شعر تركی دهه فجر

شعر تركی دهه فجر

چشم ها روشن
نایب صاحب زمان چون وارد ایران اولوب
خائنان ملک ایران خانه سی ویران اولوب
………………………………………….
“ارفرانس” طیاریه چونکه اولوب (آقا) سوار
شهر لردن جمع اولوبلار تهرانا خرد و کبار
خلق تماماً منتظردور، اشک شوق گوزدن آخار
اون بش ایل آیری دوشن اوز دودمانندن گلور
دین یولوندا آیرلان اوز خانمانندن گلور

-*-*-*-*-*-*-*-*-*-*-*-*-*-*-*-*-*-*-*
ناگهان طیاره ابر اوستن چخوب غرش کنان
دشمنان دین اسلام رنگی قاشدی بی گمان
سس اوجالدی خوش گلوب سن نایب صاحب زمان
عاجزم تشریح ایدم بو ماجرانی مو بمو
شمع و پروانه اولوبدور بیر بیریلن رو برو

-*-*-*-*-*-*-*-*-*-*-*-*-*-*-*-*-*-*-*
دولیدور باند فرودگاه علمادن نچه مین
“ارفرانس” قوندی یره آچدی قاپوسین خدمین
وطنه پر گهره قویدی مبارک قدمین
خوش سنون حالوه اقبالوه ای خاک وطن
غبطه ایلور هامو یر شأنوه  ای خاک وطن

-*-*-*-*-*-*-*-*-*-*-*-*-*-*-*-*-*-*-*
القصه ، امام ایستدی که نطقنی آغاز ایلسون
لعل گهر بارین آچوب نطقده اعجاز ایلسون
آز قالوب اوردا دورانلار روحی پرواز ایلسون
ضمن صحبتده بیوردی پیشوای محترم
مشت محکم دولت آغزندان ووروب قان ایلرم

-*-*-*-*-*-*-*-*-*-*-*-*-*-*-*-*-*-*-*
قرآن ایله جنگ ایلمه آچ بیر گوزون ای بختیار
بو سلطنت پوسیده دور ، ای نوکر بی اختیار
قانه بویار قرآن سنی ای نو گدای جیره خوار
بو جهل تک جهل ایلمه بو خواب غفلتدن اویان
توکمه جوانلار قاننی خلاق عالمدن اوتان

-*-*-*-*-*-*-*-*-*-*-*-*-*-*-*-*-*-*-*
حدوندن افراط ایلدون بی عقل حساب ایتدون منی
اندازدن قویدون قدم بیردن ایا گبردنی
میدان رزم ایچره سگ ابتر حساب ایتمم سنی
روباه تک فخر ایلمه من جنگ شیران ایلرم
اذن جهاد ویرسم اگر بیر اوز گه طوفان ایلرم

-*-*-*-*-*-*-*-*-*-*-*-*-*-*-*-*-*-*-*
زور نبردیم گورسه گر اون کارتر بی بندو بار
دوزمز مقابل جنگیمه ایلر فرار دوتماز قرار
گرگلسه یو زمین پهلوی میدامنه قیلام شکار
هم مجلسی هم کاخ سعد آباد ویران ایلرم
هر خائن ایران من دستگیر و زندان ایلرم

-*-*-*-*-*-*-*-*-*-*-*-*-*-*-*-*-*-*-*
ایتمش وجود یمله منیم ایران سراسر اعتصاب
اول دودمان پهلوی سوا وسته دور مثل حباب
نفت ویرمروق آمریکایا تا کارتر اولسون دلکباک
بو کشور ویرانی من بیریاخچی ایران ایلرم
یاز توبه نامه بختیارمن عفو و احسان ایلرم

-*-*-*-*-*-*-*-*-*-*-*-*-*-*-*-*-*-*-*
فخر ایلمه ای بختیار تانک و مسلسل ارتشته
ارتش برادر دور بیزه ، بیزده برادر ارتشه
دستگیر و زندان اولمامیش یاز استعفا قاچ اتریشه
یوخسا اگر دوتسام سنی دستگیر و زندان ایلرم
هم پهلوی هم کارترون باغرین یاروب قان ایلرم

-*-*-*-*-*-*-*-*-*-*-*-*-*-*-*-*-*-*-*
بو خاندان پهلوی خلقدن آلوب آسایشی
سن تک پلیده رأی ویروب بو مجلس فرمایشی
فکر ایلمه ای بختیار (تو پاک و بی آلایشی)
ای مرغ طوفان صبر ایله باخ گورنه طوفان ایلرم
به یاری پروردگار جمهوری اعلان ایلرم

-*-*-*-*-*-*-*-*-*-*-*-*-*-*-*-*-*-*-*
ای بختیار بدسیر گراذن ویرسم ملته
هم باش وجانندن گیچربو انقلاب و نهضته
فرماندلر سر کردلر تاب ایلمز بو وحدته
شاهدان حمایت ایلمه من شاهی زندان ایلرم
خون جگردن شربتین آذوقه سین قان ایلرم

-*-*-*-*-*-*-*-*-*-*-*-*-*-*-*-*-*-*-*
تا که اشتدی بختیار خمینیدن بو سوزلری
رنگی سارالدی قورخودان بی نور اولوبدور گوزلری
وحشت دوتوب دادایلدی لرزه دوتوبدور دیزلری
ارتش منیم امریمده دور دنیایه اعلان ایلرم
یوز بیربیله ارتش اولا تابفرمان ایلرم

-*-*-*-*-*-*-*-*-*-*-*-*-*-*-*-*-*-*-*
باشیم بدندن آیریلا شاهه اطاعت ایلرم
هم کارگر هم برزگر حقین رعایت ایلرم
بو سلطنت قانونی دور منده حمایت ایلرم
(هایزر)دیر شاه گلمسه ایرانی ویران ایلر
(منده)بصردن یاش توکوب هم آه و افغان ایلرم

-*-*-*-*-*-*-*-*-*-*-*-*-*-*-*-*-*-*-*
چون بیستم بهمن یتوب مردم مسلح اولدیلار
لاستیک خیابانه  توکوب ه نقطده یاندور دیلار
خلاق عالم یار اولوب چوخ پادگانی آلدیلار
هم لشکری هم کشوری همکار اولوبدور ملته
پیروز الوبدور انقلاب صد آفرین بو وحدته

-*-*-*-*-*-*-*-*-*-*-*-*-*-*-*-*-*-*-*
خلق اولوب انگشتر و آقا اولوب مثل نگین
اولدی بازرگان وزیر کشور ایران زمین
“جانیان کردند فرار صد شکر رب العالمین ”
رادیو روزنامه لر طبل بشارت چالدیلار
ملت ایران زمین پیروز و آزاد اولدیلار
قصه اتمامه یتوب ای صفدر اهل اراک
پهلوی نابود اولوب ایران اولوبدور پاک پاک

علی صفدر عاشری میلاجردی