تاپماجالار – قدیم تاپماجالار

تاپماجالار – قدیم تاپماجالار

tapmaca

توجه: برای مشاهده جواب تاپماجالار در زیر ان روی جواب کلیک کنید

  –  آ قوش، هاردان گليرسن؟
–  قانلي قايا ديبيندن.
–  قانين نييه قوروموش؟
–  آللاه بئله بويورموش.

جواب

قویروخ

–  حئيواندي هئچ سسي يوخ،
–  اوستونده پوللاري چوخ.

جواب

بالیق

–  آخشام ييغيلار،
–  سحر داغيلار.

جواب

تویوق

–  آغ اوتون آلاسينا،
–  گون دوشدو تالاسينا،
–  ائله ده قوش اولارمي،
–  يئم وئرمز بالاسينا

جواب

چکیرتگه 

–  داغدا-قايادا گزر،
–  قويروغوندا وار زهر.

جواب

عقرب

–  تورپاق دئييل، داش دئييل،
–  قورو دئييل، ياش دئييل،
–  بوينوزو وار، قوچ دئييل،
–  قانادليدير، قوش دئييل.

جواب

کپنک 

–  بالاجا قويو، –  ايچينده سويو، –  آغجادان آغدي، –  ساريدان ساري.

جواب

یومورتا 

–  يومرو مرمر داشي،
–  ايچينده بيلر آشي.
–  بيشيررسن آش اولار،
–  بيشيرمه سه ن قوش اولار.

جواب

یومورتا 

–  آغيرليغين يئر گؤتورر،
–  روزوسون آللاه يئتيرر.

جواب

کؤرپه 

–  بئش درويش بير قويويا داش آتار.

جواب

بارماقلار و آغیز

–  بيز ايديک، بيزلر ايديک،
–  اوتوز ايکي قيز ايديک.
–  گاه ازيلديک، اوزولدوک،
–  بير تاخچايا دوزولدوک.

جواب

دیشلر 

–  ايکي فانار،
–  گوندوز يانار.
–  گئجه سؤنر.

جواب

گؤز 

–  آغزيني آشاغي ائلرم دولار،
–  يوخاري ائلرم بوشالار.

جواب

  پاپاخ = بؤرک 

–  باغلارام-قاچار،
–  آچارام-دورار.

جواب

چاریق 

–  بدني وار، باشي يوخ،
–  قوللاري وار، قيلچاسي يوخ.
–  قارنيني ييرت، قاني يوخ.

جواب

کؤینک 

–  آغدي دونو، يوخدو جاني،
–  اوزونجادير ديرناقلاري،
–  يئره باتير بارماقلاري.

جواب

چادیر 

–  بيزده بير کيشي وار،
–  هر گلنه ال وئرير.

جواب

قاپینین دستگیره سی

–  گئجه بوشالار،
–  گوندوزلر دولار.

جواب

یاتاغین یوکو

–  ميناره، ها ميناره،
–  ايچي تامام قان-قاره،
–  تپه سي آچيق اولور،
–  ديبي ده کي، لاپ قاره.

جواب

باجا 

–  آز گئدر، چوخ گئدر،
–  بيرجه قاريش يول گئدر.

جواب

بئشیک 

–  آياغي وار، الي يوخ،
–  آغيزي وار، ديلي يوخ.
–  سويوقلاردا گرکدير،
–  بوغازي لاپ ديرکدير.

جواب

پینج = بوخاری

–  باغلاردا تاپپيلدار،
–  مئشه ده شاققيلدار.

جواب

بالتا 

–  باخ آللاهين ايشينه،
–  ايپليک تاخيب ديشينه،
–  پاپاق قويوب باشينا.
–  قويروغو سودا
–  باشي قورودا.

جواب

لامپا 

–  بيزده بير کيشي وار،
–  آغزيندا ايکي ديشي وار.

جواب

ماشا 

–  او ندير کي، گئجه-گوندوز يول گئدير.

جواب

ساعات 

–  خانيملارين الينده دي،
–  جومله-جاهان ايچينده دي،
–  خانيم اؤزو ده ايچينده دي.

جواب

گوزگو = آینا

–  نه الي وار، نه آياغي،
–  نه باشي وار، نه قولاغي،
–  گاه آغلادار، گاه گولدورر.

جواب

سؤز 

–  قابيرغاسي وار، قاني يوخ،
–  نفسي وار، جاني يوخ.

جواب

قارمان 

–  دردي قمدن،
–  تني زردن،
–  الين وورسان،
–  ائدر فغان

جواب

نی 

–  او ندير کي، يئتميش ايکي ديل بيلير.

جواب

ساز 

–  اليمه آللام، ساللانار،
–  يئره قويارام، ييغيلار.

جواب

زنجیر 

–  يارير تورپاغي قات-قات.
–  اللي اؤکوز، اللي آت،
–  اونا چاتماز قوووه ده
–  بؤيوک ايش گؤرور کندده.

جواب

تراختور 

–  فير-فير اؤتر،
–  آغ-آغ تؤکر.

جواب

دییرمان 

–  آغزي بيردي، ديلي ميندي،
–  گاه بئله دئيير، گاه ائله.

جواب

قلم 

–  بير قوشوم وار نهاني،
–  گزر جومله-جاهاني،
–  ايسترم کسيب يئيم،
–  نه اتي وار، نه قاني.

جواب

طییاره 

–  او ندير کي، ايچينده قيشدير،
–  چؤلونده باهار.

جواب

سویودوجو = فریزر

–  سودا گزر جاني يوخ،
–  بوغازلاسان قاني يوخ.
–  سويا آتسان او باتماز،
–  قورودا ياتسا قالخماز.

جواب

قاییق 

–  سولو يئرده کيشنر.
–  سوسوز يئرده قيشلار.

جواب

گمی 

–  قامتي دوز
–  ايچي اَيري
–  کرپيجي داش،
–  باشيندا تاج.
–  سحر-آخشام
–  اوخور بولبول.

جواب

میناره 

–  ازيلمز،
–  اوزولمز،
–  سوفره يه
–  دوزولمز.

جواب

داش 

–  مئشه ده کسديلر باشين
–  شهره آتديلار لئشين.
–  سويا سالديلار، باتمادي
–  اودا آتديلار ياندي.

جواب

تاختا 

–  نه بوردا وار، نه اوردا
–  دولودور ناخچيواندا،
–  هر شئيي دادلانديرير،
–  حالواني بولانديرير.

جواب

دوز 

–  او نئجه آغاجدير کي، گونده بير يارپاق سالير.

جواب

تقویم 

–  او ندير کي، بدني ايچريده،
–  باشي ائشيکده.

جواب

میخ 

–  شهري وار، ائوي يوخ.
–  مئشه سي وار، آغاجي يوخ.
–  دنيزي وار، سويو يوخ.

جواب

نقشه 

منبع: www.aharri.ir

یاخچی دی؟ اگر یاخچیدی حتما نظریزی یازین!!

درباره امیر تقی پور

امیر تقی پور، فوق لیسانس زمین شناسی اقتصادی هستم. (مدیر وب سایت) ........ ایمیل من: amirahare@gmail.com - سایت: www.aharri.ir

15 دیدگاه

  1. های یاشا ایگیییییید

  2. یاشایش بیزیمدیر

    خوش گوردوک آرکاداشلار،تاپماجالارداچوخ آز اوز فرهنگیمیزده اولانلاری گوردوم،چوخی یئنی بیرتاپماجیدی (فریزر…؟)گینه یاشاآرکاداش،چالیشاخ آنادیلیمیزی اونملی شکیلده دونیایا تانش اده ک.

  3. یورولما حتما فرهنگیمیزی دیری ساخلیاخ

  4. سایتز گوزلدی Snicker

  5. cox gözel tapmacalardi!yaxsi olardi ki basqa türk seherleriden-de müxtelif tapmaca ve sayiri folklorik söz ve enenelerde yazilsin.el-qolonuz var olsun. sever-almaniya

  6. سلام تاپماجالار جالیبیدی

دیدگاهتان را بنویسید

نشانی ایمیل شما منتشر نخواهد شد.

لطفا به سوال امنیتی جواب دهید * Time limit is exhausted. Please reload CAPTCHA.

برای درج شکلک روی آن کلیک کنید

SmileBig SmileGrinLaughFrownBig FrownCryNeutralWinkKissRazzChicCoolAngryReally AngryConfusedQuestionThinkingPainShockYesNoLOLSillyBeautyLashesCuteShyBlushKissedIn LoveDroolGiggleSnickerHeh!SmirkWiltWeepIDKStruggleSide FrownDazedHypnotizedSweatEek!Roll EyesSarcasmDisdainSmugMoney MouthFoot in MouthShut MouthQuietShameBeat UpMeanEvil GrinGrit TeethShoutPissed OffReally PissedMad RazzDrunken RazzSickYawnSleepyFemaleMaleHeartBroken HeartRoseDead RosePeaceYin YangUS FlagMoonStarSunCloudyRainThunderUmbrellaRainbowMusic NoteAirplaneCarIslandAnnouncebrbMailCellPhoneCameraFilmTVClockLampSearchCoinsComputerConsolePresentSoccerCloverPumpkinBombHammerKnifeHandcuffsPillPoopCigarette