قره داغ تورکلری فرهنگی، ادبی، تاریخی، موسیقی و سرگرمی
شعر ترکی 29 بهمن = بهمنین اییرمی دوققوزی
شاعر: ذولفقار كمالی
سال سوم دبیرستان بودم که استادمان آقای حسین دوستی شعری رو به کلاس اوردند و خوندند من هم بصورت خیلی ناقص و شاید درهم برهم اونو یادداشت کردم. متاسفانه از اینترنت نتونستم اصل این شعر رو پیدا کنم اما به هر حال این شعر رو اینجا گذاشتم اگر کسی اصل این شعر رو می دونست حتما منو هم بی نصیب نذاره. البته این شعر رو من یک بار هم از رادیو تبریز شنیدم.
سراینده این شعر آنزمان تحت تعقیب رژیم فاسد پهلوی قرار گرفته بود.
بهمنین ییرمی دوققوزو.
ائللر دئییردی تبریزی
کؤینک گئیمیشدی قیرمیزی
آذربایجانیمین اؤزو
طولمدن قورتارسین بیزی
بهمنین ییرمی دوققوزو.
***
شنبه گونو سحرچاغی
ائل اله آلدی چوماغی،
تیتره‌دی قورخودان یاغی،
گؤرن‌تک بره‌لدی گؤزو،
بهمنین ییرمی دوققوزو.
***
سسلندی آزادلیق آدی
ایگیدلر قوردو بوساطی
داماقلاردا قالدی دادی
جوشغویا گتدی تبریزی
بهمنین ییرمی دوققوزو.
***
هامی کی وئردی ال- اله
دربارا دوشدو ولوله
کندلی‌لرده گلدی دیله
سؤیله‌دیلر وور دینسیری
بهمنین ییرمی دوققوزو.
***
دئدیلر گلدی ستارخان
نظمیه چکدی ال- امان
لئچک اؤرتموشدو پاسبان
دؤلتین عرضه‌سیز قیزی
بهمنین ییرمی دوققوزو.
***
بارینج کندی یئریدی ائل
آلمیشدی اله قازما، بئل
حیرصی داشیردی مثل سئل
قوی دوشمانین چیخسین گؤزو
بهمنین ییرمی دوققوزو.
***
اود توتدو بانک صادرات
یاندی تؤکولدو هر بیر زاد
شیشه و تابلو قات با قات
دولدو خیاوانین دوزو
بهمنین ییرمی دوققوزو.
***
بابک بابامبز اویانیب
ووقارلی داغ تک دایانیب
آذربایجانا گووه‌نیب
سئویندی آغ اولدو اوزو
بهمنین ییرمی دوققوزو.
***
دئییش‌لر یالاندی یالان،
خارجه‌لی دئییل اینان
تبریزلی‌یدی کی قویدو جان
وطنین اوغروندا اؤزو،
بهمنین ییرمی دوققوزو.
***
جام سیندیران غلامعلی،
اروجعلی‌له پنجعلی-
هاردان اولدو خارجه‌لی؟
تبریزلی اؤزویدو، اؤزو
بهمنین ییرمی دوققوزو.
***
دئیین یاتانلار اویانا
ظولم الیندن گلدیک جانا
ظالیمی بویادیق قانا
قوی هامی بیلسین بو سؤزو
بهمنین ییرمی دوققوزو.
***
دئییرلر کی پوللولاری
باندیردیلار هر نه واری
آغلاتدیلار اوستانداری
گؤز یاشی گولدوردو بیزی
بهمنین ییرمی دوققوزو.
***
گولله سسی گورولدادی
دئولر کیمی نریلده‌دی
میللت باخیب گولومسه‌دی
دیش قیجیرتدی قوردا قوزو
بهمنین ییرمی دوققوزو.
***
گولله آخدی دوزوم- دوزوم
میللتی قورخوتماق اوچون
دوشمان بیلدی ائلین گوجون
فاتلانیب سست اولدو دیزی
بهمنین ییرمی دوققوزو.
***
آذرین اؤز قهرمانی
چکیب یاخینا زامانی
روشن ائدیبدیر جاهانی
ایشیقلی پارلاق اولدوزو
بهمنین ییرمی دوققوزو.
***
دایانما دوغرولدو زامان
ظالیمه وئرمه‌یین آمان
خائنه ولوله سالان
بو میللتین اوره‌ک سؤزو
بهمنین ییرمی دوققوزو.
بهمن 1356
منبع: www.aharri.ir
اللرین اغرماسین
چوخ ساغول
جوخ چوخ ممنون سیزیده ساغولون