كلیات اشعار ترکی شهریار

كلیات اشعار ترکی شهریار

اوتوز آلتی ایل بوندان اول، 1332 نجی ایلین اسفند آییندا، نوروز قاباغی آذربایجان خلقی، از شاعیریندن اونودولماز بیر هدیه آلدی. بو، استاد شهریارین «حیدر بابایا سلام» اثری ایدی. حجمجه کیچیک، مضمونجا دولغون اولان بو اثرین نشری ایچون او وقت کی تبریزین بوتون فرهنگی و پولیقرافیک گوجوندن و امکانلاریندان استفاده اولونموشدی، خطینی میرزا طاهر خوشنویس یازمیشدی، شکللرین رسام مرتضی نخجوانی چکمیشدی، گراورلرینی میرزا عبدالوهاب شعاری حاضیرلامیشدی، حسین آقای زفیرینین چاپخاناسیندا چاپ اولونموشدی، حسن تقویمی چاپین بوتون وساییلینی حاضیرلامیشدی، مهدی روشن ضمیر، عبدالعلی کارنگ هربیری آیریلیقدا مقدمه یازمیش، شهریارین اؤزوده خیلاصه شکلیده اثرین یارانماسی حقینده ایضاحات وئریب اونو آذربایجانلیلارا تقدیم ائتمیشدی.

شهریار بو گؤزل منظومه نی یازماقدان هله چوخ-چوخ اول اؤزونون زنگین یارادیجیلیغی ایله ایراندا شهرت قازانمیش، حقلی اولاراق معاصر دورین حافظی لقبی کیمی عالی بیر مقام صاحبی اولموشدی. بوندان سونرا شاعر بیر سیرا عامللرین تاثیری آلتیندا و هامیدان اول آناسنین آرزو و ایسته گی ایله «حیدر بابایا سلام منظومه سینی قلمه آلمیشدی…

شهریار آذربایجان دیلینده یازدیغی شعرلرده، عروض اؤلچولریندن داها چوخ، هجا اؤلچولرینی منیمسه‌میش و بول- بول ایشلتمیشدیر. اصلینده اونون اینانجینا گؤره، تورکجه‌نی باشقا دیللردن آلما سؤزلرو قایدا- قانولار قاتاندا، دیل گؤزه‌للیک و اصیللیگینی الدن وئریر. فارس دیلینده اؤلمز شعریت آبیده‌لری یادران شاعر،تورکجه یازاندا « اؤز شعرینی فارسا- عربه قاتماق» ایسته‌میر. بو، او دئمکدیر که شاعر اصلینده دیلین اؤزونه مخصوص اینجه‌لیکلری اولدوغونا اینانیز و دیلین اؤز سؤز و آهنگ قایناقلاریندان فایدالانماغی، دیلده بیر صنعی و چؤزوجو حال یاراتما کیمی ساییر.
او دئییر:

تورکون دیلی تک سئوگیلی- ایستکلی دیل اولماز

اؤزگه دیله قاتسان، بو اصیل دیل اصیل اولماز.

اؤز شعرینی فارسا- عربه قاتماسا شاعر،

شعری اوخویانلار ائشیدنلر کسیل اولماز.

…

بو مصراعلاردا، شاعر هم دیلین سؤز خزینه‌سیندن دانیشیر و تورکجه‌نین گوجونه گووه‌نیر و هم‌ده اشاره‌لرله شعرین آهنگ قانونلاری و اؤلچولریندن سؤز آچیر.

سنین بهره ن یئین کیم دیر؟         کیمینکی سن؟ ییه ن کیم دیر؟

سنه دوغری دئیه ن کیم دیر؟            (یالان دنیا، یالان دنیا )

سنی فرزانه لر آتدی،            قاپیب، دیوانه لر توتدی،

كیمی آلدی، كیمی ساتدی،                  ساتان دنیا، آلان دنیا

آتی ازل داغا سالدیق،       یورولدوقجا، دالی قالدیق

لیست اشعار موجود:

1. شهریارین آنا دیلینده شعرلری 2. حیدر بابای شهریار 3. حیدربابایا سلام 4. ایکینجی «حیدر بابایا سلام» 5. تورکون دیلی 6. بهجت آباد خاطیره سی 7. دؤیونمه-سؤیونمه 8. سهندیم 9. ائل بلبلی 10. محمد راحیم حضرتلرینه جواب 11. شهریارین جوابی 12. سلیمان رستمه 13. حکیمه جان 14. کرج خاطره سی 15. ایمان مشتری سی 16. یاتا بیلمه ییرم 17. شاطر اوغلان 18. زمان سسی 19. گئتمه ترسا بالاسی 20. ناز ایله میسن 21. آزادلیق قوشو وارلیق 22. غم باسدی قلیانیمی 23. پروانه و شمع 24. صاننعتی مملکت 25. غمله آتیشیق و باریشیق 26. بلالی باش 27. ایمانیله گئتدی 28. شوخلوق 29. جان آلیر ایندی 30. آغیز یئمیشی 31. دنیا نه یالان تاپماجادیر؟ 32. انجلا 33. هارا قاچسین اینسان؟ 34. آلنیمین یازیسی 35. یار قاصیدی 36. گؤزوم آیدین 37. جان رستم! 38. قره باسدی حیکایه سی 39. اینسان ساز انقلابیمیز 40. مجنون 41. چابالیر اورک سینمده 42. اویون اولدوق 43. رطب وئریب تزه ک آلدیق 44. معلول یازیق نیله سین 45. اوتایدان گلنه 46. آللاه وعده سی 47. صابرین خوروزو 48. انس و جن 49. آللاه بویاغی 50. بدو آت 51. قافقازلی قارداشلاری ایله گؤروش 52. نئجه کئچدی عؤمرون؟ 53. عزیزه 54. عزیزم جان 55. یالقیز غریب 56. هلال محرم 57. تضمین 58. خان ننه 59. سازلی شاعریمیز «خازن» ین روحنه تقدیم 60. فخریه اؤلومو 61. بیاد دوست دیرینم محمد علی محزون 62. دان اولدوزودا باتدی 63. آقا میر صادقین خیراتی 64. عمو اوغلوم میر ابولفضله 65. قارداشیمین مزاری 66. قارداشیم سلیمان رستمه اتحاف 67. قارداشیم سلیمان رستمه 68. قاچاق نبی 69. اصلی-کرم شعرینه بیر حاشیه 70. یالان دنیا 71. گؤزومون یاشلاری 72. باجیم اوغلو «بهروز» ین بایاتیلاری 73. دکتر جاوید ده گئتدی 74. اوشاقلار 75. دریا ائله دیم