باللی بایاتی لار – نصیر پایگذار

باللی بایاتی لار – نصیر پایگذار

مهدی اوغلو، نصیر پایگذار کی شعرده «نصیر» تخلص ائدیر 1311 نجی ایلده تبریز شهرینده آنادان اولدو، او دیپلم آلاندان سونرا نئچه ایل مرند شهرینده معلم لیک ائتدی. 1339 نجی ایلده تبریزه گلیپ مدرسه لرده ورزش معلمی اولدو، گئجه لر ادبیات دانشکده سینده طلبه لیک ائدیب فرانسه نین دیل و ادبیات رشته سینده لیسانس آلدی.

نصیر بو ساحه ده مختلف سمت لره سئچیلیب چوخ زامان شرقی آذربایجانین ژیمناستیک هیئتی نین رئیسی اولوب و 12 ایل بو ایشده تلاش دان دالی دورمامیشدی و بیر مدت ده ایرانین ژیمناستیک فدراسیونون نایب رئیسی اولموشدور. او نئچه دفعه لر خاریجه مملکتلرینه سفر ائدیب جشن لرده و سمینارلاردا اشتراک ائتمیشدیر.

نصیر، 1361 نجی ایلده تقاعد (بازنشسته لیک) مقامینا چاتدی، او ایندی تبریزین اسلامی آزاد دانیشگاهیندا ورزش درسی دئییر. قیرخ بئش ایل بوندان اول شعر یازماغا رغبت گؤستریب، چوخلو جناس شعرلری تورکجه و فارسجا دیلینده قوشوب کی اولدوقجا جالب و استادانه‌دیر. تورکو دیلینده سؤیله‌دیگی شعرلر، اوست اوسته آذربایجان هاوالاریندا اولوب، بیانی ساده، دیلی آچیق، مفکوره‌سی اجتماعی‌دیر. بو یازیچی‌دان «تارینین ائللری و اشک شمع» و «جلوه های جناس در شعر فارسی» کیتابلاری چاپ اولونوب و «ایپک خیاللاری» کیتابی دا چاپا حاضیرلشیر…