معماری

نوحه ترکی شهادت امام علی (ع)

مداحان ترک و مداحی بمناسبت شهادت امام علی (ع)

ali-imam

 در عزای امام علی (ع)

بزبان ترکی

قالدی باشسیز العجب اصحاب و لشگر یا علی!

اولدو مظلوم امّتی بی یار و رهبر یا علی!

جانیمیز یاندی غم هجرینده پرپر یا علی!

گئتدی الدن سن تکی آنلاقلی سرور یا علی

گؤرمز عالم داهی مِثلینده دلاور یا علی!

ایندی کی رخسارون اولدی لاله تک محزون منه

سیزلاییب دل آغلایارکن بولبوله هم سوسنه

تیکمه رم گؤز بی وفالر  تک صفاسیز گولشنه

چون عدالت مولکونون سولطانی سان یاننان سنه!

بو غم عظماده بی شک اؤللم آخر یا علی!

ییرمی بئش ایل دیل یاراسی جانه سالدیقجا  اثر

حُرمتین حفظ ائتدی گؤرنه نهروانی شیخلر!

اولماییب راضی بونا آخر خدادن بیخبر

ووردولار شمشیر زهرآگین به فرق ِ دادبر

آغلادی بو ماتمه محراب و منبر یا علی!

شیریله سرپنجه اولماقدان ائدیب تولکی حذر

گؤردو هئچ مومکون دَگیل وورماق،نماز اوسته مگر

قورخوب اصلان مرددن ، گیزلینجه اولدی حمله گر …

گؤر نئجه نامردلر دالدان باشا خنجر چکر!

قطره نی افزون گؤره ر ، دریانی کمتر یا علی!

قانماز اینسانه آقا! بیهوده دی رسم ادب

گؤرموشم نافهم  عالیملرده چوخ لهو و لعَب

ابن ملجم شبه مردی بی حیائیمیش عجب!

سن تکی گول رهبرین هیجرانینه اولموش سبب

عالمه اود ووردو یاندیردی سراسر یا علی!

سن گئدن گوندن خبر یوخدور نه اولدی ذوالفقار!

ذوالفقارین صاحیبی یالنیز سن ایدین بیقرار

آتش عشقینده وار باخ گؤر نه آه انتظار!

آخرین حیدر (عج) گله تا اینکه بیرده آشکار

قالدیق عالمده عجب بی یار و یاور یا علی!

زهر شمشیریله ای محراب دا مسموم آقا!

اهل کوفه غیرتیندن هر زمان محروم آقا!

عدل میدانیندا ای بی یاور و مظلوم آقا!

حق سؤزی نامردم ایچره بسته در حلقوم آقا!

نیزلر اللرده آخر اولدو خنجر یا علی!

گؤیلومه دوشدوکجه هر یئردن خبر آللام سنی!

عالم رؤیاده اطهردن خبر آللام سنی!

مسجد و محراب و منبردن خبر آللام سنی!

آخر آدمسیز یتیملردن خبر آللام سنی!

آغلاییب خلوتده یاننام شمعه بنزر یا علی!

– – – – – – – – – – – – – – – – – – – – – – – – – – – – – – – – – – – – – –

 شهادت امام علی (ع) ( به زبان ترکی )

بو آتش هجرانیوه اودلاندی عالم یا علی(ع)!

آغلار غمینده حضرت زهرا(س) و خاتم (ص) یاعلی(ع)!

بو اود نه اوددور سر به سر  داغلوب جهانی یاندیریر؟!

شعله سالیب  محفللره ، پیر و جوانی یاندیریر!

سرگشته چؤللرده گزن صاحبزمانی یاندیریر

هئچ مرد دوران گؤرمه ییب بو نحو ماتم یا علی (ع)!

ای آفتاب لم یزل،دنیای عشقین مهتری!

رحمتسرای حقّده عدل و شرافت مظهری!

ای عارف شیرین سخن، اهل حقیقت یاوری!

گردش ائدیر شمس و قمر،عشقینله توأم یاعلی(ع)!

سن سیز بو ماتم ،حضرت زینب(س) دن آیریلماز داها

آسایش دورانیده ، مظلوم بالان قالماز داها

حقّی اذیّت ائتمه دن ، شرمه عدو دالماز داها

سنسیز عدالت امن دن دوشدی مسلّم یا علی(ع)!

بیر عؤمر اولموش خونجگر ، درد دلین چاهه دئدین!

غیرت سرودین  دال با دال  زهرا(س) تکی ماهه دئدین!

معناده یعنی سؤزلرین هر لحظه آللاهه دئدین!

نامردلردن گلمه دی اسراره محرم یاعلی(ع)!

اولدی قارانلیق بیر بولوت کوفه،حقیقت ماهینه

بی حرمتی ائتدی ریا قومی خدا درگاهینه

مذهب یولیله ووردولار ضربه عدالت شاهینه

جان یاندیران نیسگیلدی بو سوز دمادم یاعلی(ع)!

آیا مگر حق مشعلین دونیاده سؤندورمک اولار؟!

بخت اولدوزون هر توزلو بیر آیینه ده گؤرمک اولار؟!

ائتدی خیال اهل ستم انواری اؤلدورمک اولار

اؤز بختینه ووردی عدو شمشیری محکم یا علی(ع)!

سن اؤلمه ییبسن! آغلادان خلقی بو غم دریاسی دیر

هر درددن  کسگین اولان ، بیر دونیا هیجران یاسی دیر

داغلار ووران عاشقلره ، آنجاق زمان سوداسی دیر

هاردا وار آخر سن تکی مظلوم اعلم یا علی(ع)؟!

بولبول یئرینده اوتدو چون بایقوش،قانادی باغلادار

شعریله  شیر عالمی هم اؤلدوره ر  هم آغلادار

اول قدر تکرار ائیلییه ر ، صاحب زمانی داغلادار

تلقین ائده ر اؤلمک سؤزون شیطانلا باهم یا علی(ع)!

حُرمت بو گون محفوظ دور  بیزدن سنین تک سروره

دونیا اولا قوربان گئنه آزدیر  مقام حیدره

آنجاق خیالیمدا گزیز  باخ گؤر نه عالی منظره!

خالیقله مئهمانلیقلارین اولموش مجسّم یا علی(ع)!

هیجران غمین احساس هئچ نامرد عالم ائیلمز

بو دردی هر عاشق اولان آدم دویوب فهم ائیلمز

باغلار اُمیدین یوللارین، آینده یه رحم ائیلمز

تعظیم ائده ر  امّا سنه، عیسای مریم(ع) یاعلی(ع)!

مین ابن ملجم بیر نفر جیلدینده قالدیردی خطر

ائتدین بو فانی دونیادان البتّه نیسگیللی سفر

اودلاندی امّت سر به سر  داغلاندی قلب دادگر

چوخ سیررلر قالدی گئنه مجهول و مبهم یا علی(ع)!

– – – – – – – – – – – – – – – – – – – – – – – – – – – – – – – – – – – – – –

 اوخشاما – در عزای امام علی (ع)

شاعر: دادا بیلوردی

( به زبان ترکی )

شیعه لر  قلبی جوشلاندی آلله!

گؤزلرین جامی داشلاندی آلله!

دَیدی تیغ جفا فرق یاره

آیریلیق یاسی باشلاندی آلله!

یاندی جان، غربت مرتضایه

یا امام زمان(عج) گل عزایه!

اُف اولا بئیله بیر روزگاره

آیریلیقلا ووروب جانه یاره

یئتدی صبر علی (ع) انتهایه

اولدو غمدن اورک پاره پاره

یاندی جان، غربت مرتضایه

یا امام زمان(عج) گل عزایه!

گر چه حقّیله یار باغلی گئتدی

وقت دیداریدی چاغلی گئتدی

آمما عالم بیلیر کی آقامیز

قهر ائدیب کوفه دن داغلی گئتدی

یاندی جان، غربت مرتضایه

یا امام زمان(عج) گل عزایه!

نئیلیرم عدل سیز بو جهانی

ای اورک سسله صاحبزمانی

ایسته آلسین اله ذوالفقاری

سؤیله دولدی غمه شیعیانی

یاندی جان، غربت مرتضایه

یا امام زمان(عج) گل عزایه!

لطف قیل بیرده بو محفله گل

لایق اولماساق ائتمه گله گل

ای کی بو یئرده صاحب عزاسن!

دؤندو گؤز یاشلاریمیز سئله گل

یاندی جان، غربت مرتضایه

یا امام زمان(عج) گل عزایه!

آیریلیق گؤر نئجه قلبی داغلار

گؤز یاشی عاقبت یاره باغلار

تاریخی چوخ ورق ووردوم آخر

یازدی دادا بو  اشعاری آغلار

یاندی جان، غربت مرتضایه

یا امام زمان(عج) گل عزایه!

– – – – – – – – – – – – – – – – – – – – – – – – – – – – – – – – – – – – – –

شهادت حضرت علی (ع) گریز به قتلگاه

(غلامرضا هادی اردبیلی)

علینی راحت ایدوب خنجر جفا یاراسی

ایدوب او شاهی فنا دهریدن رها یاراسی

بو یاره بیر یارادور قلب عالمه دگدی

فنایه گتدی سماواتی هاکذا یاراسی

بو یاندی ساجد و سجاده قانه مسجده

ایلدی مسجد و محرابی با صفا یاراسی

دایاندی ذکریدن اول ذکر حق دئین لبلر

دیل اولمادی ولی سسلندی ربنا یاراسی

علی وجودینی وقف عدالت اتمیشدی

طریق عدله اونی ایلدی فدا یاراسی

بلاد دینی بلادن علی رها ایلدی

اولوبدی ئوز باشنا تاج انما یاراسی

بنای خانۀ حقی بو قان ایدوب محکم

ویروبدی عمر بقا دینه مرتضی یاراسی

یتشدی خانۀ حقده او مرد حق حقه

باتوردی عالمی اندوهه منتها یاراسی

او کلبۀ فقرانی گجه گزن مولا

اوزی قدم گتوره ایتمور اقتضا یاراسی

گتوردیلر گلیم اوستنه الغرض شاهی

ایوینده آچدی عجب غملی بیر نما یاراسی

هامی کناره گیدوب زینب وفاپرور

یاخنلاشوب گوره ایا دگوب هارا یاراسی

بتول سینه سینون یاره سین گورن بالانی

گتوردی نالیه اول شاه لافتی یاراسی

دولاندی یاسه گنه فاطمه ئولن گون تک

علینون ایتدی ایوین محفل عزا یاراسی

ملائک اذنیله وارد اولان ایوی ایلدی

بتول گللرینه گلشن نوا یاراسی

گهی بابا گهی ایوای ننه دئدی بالالار

وجوده گتدی عجب مجلسی رثا یاراسی

یارالی قلبلری رافتیله مرحم ایدن

یارالانوبدی قبول ایلمور دوا یاراسی

غرض ایکیمجی قرا دوشدی زینبون باشنا

ئورکده بیر بیره چاتدی آتا آنا یاراسی

قاریشدی باشی کیمه بلمور ایلسون چاهر

چوخالدی دلده او بانوی با وفا یاراسی

همیشه پیرهن غم بیچیلدی قامتینه

وورلدی گه آنا گه قلبینه آتا یاراسی

فلکون اولمادی زینبله هیچ مداراسی

ستمله ویردی دل زینبه بلا یاراسی

مدام آغلادی بیر لحظه گولمدی بو خانم

ایدوب ملال و غم و درده مبتلا یاراسی

یارالی قلبیمنه هی یاره دگدی قان اولدی

اوچومجی یاره اولوب دست آشنا یاراسی

حریم خانه ده ئوز محرمی امام حسنون

نقدری عمده دی سن سویله عارفا یاراسی

ایچرتدی زهری جگر پارچالاندی نیمۀ شب

توکولدی طشته عیان اولدی تا خفا یاراسی

ننه سی فاطمه دنده گونی قرا گلدی

ئورگینه توخانان وقته مجتبا یاراسی

هامی ئولنلرینه زینب آغلیوب آزاد

ساغالمیان یارادور شاه کربلا یاراسی

یغشسا دهرین اطباسی گلسه لقمانلار

دگل دوا اولونان دشت نینوا یاراسی

او چولده بسکه یارا گوردی قلبی بو خانمون

شمارشیله   چتیندور  گله  سانا  یاراسی

بشر داغ اولسا ئورک داش بو یاره لر داغیدار

ایدر ایشقلی گونون  لیلۀ  دجا یاراسی

خانم نه گوردی او صحراده بلمورم یارب

باشین آغارتدی اونون رنج ابتلا یاراسی

یتشدی مرحم ایده قارداشا چوخور یرده

نه گوردی اوخ یرین ایلوب رفو  جدا  یاراسی

اولان اولوب باجی قارداش یخلدی یان یانه

دئه  زینبـده  اولوب  الـده  «هادیا» یاراسی

– – – – – – – – – – – – – – – – – – – – – – – – – – – – – – – – – – – – – –

ضربت خوردن حضرت علی (ع)

(غلامرضا هادی اردبیلی)

گواه  اول  الله  سنون ایونده

بولوندی باشیم سنان قمر تک

شکستـه  دلـدن  قلج یرینـدن

ترابـه قانیم آخـور  گهـر تک

بو قانلی تربت بو سجدگاهیم

بو قانلی صورت بو من  اللهی

بو امر  معبود  بو عهد  معهود

بو  امتحاننون  بو  سن  اللهی

تمـام  سّـر  ضمیـریم  اولدی

حضـور  پـاکــه  علن  اللهی

دوشوبله  خیبر گشا  ایکی ال

کناره  ایندی  شکسته پرتک

رضا سن اولسون   هامی  بلایه

ره   وفـاده   رضـایـم   الله

علیدن  اوزمه  عطا   و  لطفون

قاپوندا   بیکس  گدایم  الله

باشیم بولوندی سنون یولوندا

قبوله    یتسه   فــدایم  الله

جهانـدا   اولماز  منیم  نصیبیم

بو بیرمبارک گوزل سحر تک

بو صبح صادق منی قوتاردی

ملال  و رنج  و   زماندان الله

شماتت  اهلی  یتشدی  کامه

قوتاردی جانیم جهاندان الله

بو دل شکسته بو زار و خسته

قوتاردی  زخم  زباندان  الله

غم   فقیران  چکوردی  ناره

یانان وجودی  شرار  دَرتک

اولار که  گوزلردیلر   علینی

گجه زمانی   دوشوبله  درده

نه فرش و بستر نه ده غذا وار

باتوبلا  گرد  و  غبار ، گرده

گئدور بو جسمیم فنا جهاندان

قالوبدی  روحیم  خرابه لرده

قضاده  گویا  نظاره گردور

بو اهل درد و غمه قدر تک

نه بیر نفردن واریمدی حاجت

نـه  انتظـار      عیادتیـم  وار

نه تیغ  دستیم  نه  تاب  قلبیم

نه  عرض  ذکر  و  بلاغتیم وار

علینی عفو ایت قصوریم اولسا

اللهـی  سنـدن  خجالتیم  وار

آخور  سرشگیم  جمال   زرده

گجه  زمانی   آخان  قمر  تک

– – – – – – – – – – – – – – – – – – – – – – – – – – – – – – – – – – – – – –

تعریف حضرت علی (ع) و گریز به مجلس یزید

(حسین غفاری )

شیعه گرک  اهل کرامت  اولا

شیعه گرک چشمۀ حکمت اولا

شیعه گرک جلوه  رحمت اولا

شیـعه گرک  امته  زینـت  اولا

شیعه  گرک  ابر  سخاوت  اولا

شیعه  گرک  مهد  فضلیت اولا

قَلّ وَ دَل اولسا گوزلدور کلام

شیعه  علینون ئوزیدور والسلام

بسدی قلم   بیلدی  بیلن مطلبی

پِی له بو سرکش چاپاراق مرکبی

اهل   سخندور   بولارین  اغلبی

غم یمه   آرتورما   بو تاب  وتبی

قاره گین   ساخلیـاجاق   مکتبی

یادووه   سال  قاره گین   زینبی

گور  قولی  باغلی او  خانم  نیلدی

شامیده هند اوغلینی خوار ایلدی

من دئیدی حق شمعینه پروانیم

قارداشیـمون   تابـع  فرمـانیـم

حضـرت   پیغمبـره  دردانیـم

حیـدریـم   فاطـمـه   ثـانیـم

عالـمیَـم  جـاهـد  فرزانـیـم

موجلی  دریا  کیمی طوفانیم

لایـق فرمـانـدهـی مکتـبـم

سیل گوزووی یاخشی تانی زینبم

عار  اولا  بوحشمـت  ننگینـووه

ننـگ  اولا  بو  مسند  زرینـووه

نفرت   اولا   پنجۀ  خـونینـووه

لـعنت اولا  سفـره  ننـگـینـووه

مرگ اولا بو دولت بی دینووه

پرچم ذلت  قویولوب  چینووه

قطره نی یاقوت ایلین وار یزید

تختووی تابوت ایلین وار یزید

فـاقـد  اندیـشه  و  تـدبیر سن

متـکی  نـیـزه  و  شمشیـر  سن

آینه ده  بیر  قوری  تصویرسن

پیـکرۀ  حیـله  و  تـزویـر  سن

نفس  کمندینـده   زمینگیر سن

فکر ایلمه  معرکه  ده  شیر سن

ماریه  ده لطمه  بیزه دگمه دی

شیر حسیندور سنه باش اگمه دی

خانـۀ  اسلامی  خـراب  ایلمه

حق دانیشان خلقه عتاب ایلمه

یانماقا  آتشده   شتـاب  ایلـمه

ملته   زنداندا   عذاب   ایلـمه

امتی   ناپختـه  حسـاب  ایلـمه

ظلـمووه  قرآنی  نقاب  ایلـمه

آند اولا زهرایه حسین زنده دی

قانه  باتان  پرچمی  پاینـده دی

دشمنی  افسوس  اولا  دیوانه دی

مکتب   پیغـمبـره    بیـگانـه  دی

مهـر  محبـت   اونا   افسـانـه دی

دوزدی کی رحمین ایوی  ویرانه دی

علت  کینـون    بیزه   آیا  نه دی

وورما  او باش  روحیمه ریحانه دی

تشنه  اولـوب  کرب و بلاده  شهید

قدرینی بیل ئوپ یاراسیندان یزید

گل  یـوزی  آئینه  عرفـانیدور

آئینه  یوخ  جوهـر  ایمـانیدور

باخما کی ئوز قانینه غلطانیدور

شش جهتون ملکینه سلطانیدور

رایحـۀ  رحمـت  رحمـانیدور

وورمـا حسینیم سنه مهمانیـدور

شمس شرفدورآخوب اولدوزلاری

قمچیلر  آلتدا   یوورلوب   قیزلاری

– – – – – – – – – – – – – – – – – – – – – – – – – – – – – – – – – – – – – –

زبانحال حضرت زینب(ع) در شهادت پدر

حسین غفاری

آچ گوزلرووی زینب اولا جانووه قربان

باشون یاراسیندان توکولن قانووه قربان

میلون واریدی دائمی سنگرده ئولیدون

ایستردون اولدن دم  خنجرده ئولیدون

ننگیدی   اگر  سن  بابا  بسترده ئولیدون

دلبر  یارالی  گورسه  اگر  دلبری  خوشدی

حق عاشقینون جسمینه قان بستری خوشدی

تکیه   ایلمشدی  سنه  ارکان  عدالت

حاشا اولا بیر کسده بو اندازه فضیلت

تنها  یاراشوردی  سنه کرسی عدالت

عشقین سنیدون عالیه گنجینه سی بابا

اسلامه   شرفدی   الوین  پینه سی بابا

قربانون اولوم گل دیله اوغلانلاری دیندیر

خسته گوزووی  آچ بو پریشانلاری  دیندیر

الله  گوره    دیده سی  گریانلاری  دیندیر

ای کعبه نون اوغلی سنه حل و حرم آغلار

غمدن  بوکولن  قدووه   غملی  ننم  آغلار

آغوشینـه    زهـرانی   آلانـدا  در و دیوار

یاردی  ننممون   سینه سینی  خنجر  مسمار

گویا بو همان گوندی اولوبدی گینه تکرار

بیرگون  ئورگیم  یاندی  فشار دَر الیندن

الآندا  یاغور  کول  باشیما  خنجر الیندن

تسلیم ایلدون روحووی چون حّی رحیمه

الله   سنـی   مـالک  ایلـدی  نفس   سلیمه

ویردون پایووی هر گیجه مسکین  و یتیمه

اسرارووه   سینمده  قالان  سوزلریم آغلار

بیر عمریدی آج یاتماقووا گوزلریم آغلار

گیت   منتظروندور    سنـه  جنتّـده  حبیبون

غمدن  صورا   اولمادی   بو  دنیاده  نصیبون

افسوس اولا نیلوم کی جوان ئولدی طبیبون

اولسیدی  ننم  یارووه  درمان  ایلیردی

زلفین باشووین اوسته  پریشان ایلیردی

دوتماز غمیمی توکسم اگر وسعت دریا

باشون  یارالی  قلبیمه  آئینه دی  گویا

یاردی ایکی سیندهخ بابا بیر  خنجر برا

ای  روح  مسیحا منه بیر تازه نفس ویر

اوزمه  اتگوندن  الیمی  زینبه سس ویر

درباره ی امیر تقی پور

امیر تقی پور، فوق لیسانس زمین شناسی اقتصادی هستم. (مدیر وب سایت) ........ ایمیل من: amirahare@gmail.com - سایت: www.aharri.ir

پاسخ دهید

نشانی ایمیل شما منتشر نخواهد شد.

برای درج شکلک روی آن کلیک کنید

SmileBig SmileGrinLaughFrownBig FrownCryNeutralWinkKissRazzChicCoolAngryReally AngryConfusedQuestionThinkingPainShockYesNoLOLSillyBeautyLashesCuteShyBlushKissedIn LoveDroolGiggleSnickerHeh!SmirkWiltWeepIDKStruggleSide FrownDazedHypnotizedSweatEek!Roll EyesSarcasmDisdainSmugMoney MouthFoot in MouthShut MouthQuietShameBeat UpMeanEvil GrinGrit TeethShoutPissed OffReally PissedMad RazzDrunken RazzSickYawnSleepyFemaleMaleHeartBroken HeartRoseDead RosePeaceYin YangUS FlagMoonStarSunCloudyRainThunderUmbrellaRainbowMusic NoteAirplaneCarIslandAnnouncebrbMailCellPhoneCameraFilmTVClockLampSearchCoinsComputerConsolePresentSoccerCloverPumpkinBombHammerKnifeHandcuffsPillPoopCigarette

قالب وردپرس
Optimization WordPress Plugins & Solutions by W3 EDGE