فضولی غزللر – غزلیات فضولی

فضولی غزللر

غزلیات فضولی (ترکی)

اسکن یک کتاب قدیمی چاپ سال 1982 میلادی

دورت یوز ایلدن آرتیقدیر که بؤیوک آذربایجان شاعری فضولینین شرفلی آدی بوتون شرق ئولکه لرینده درین حرمت و محبتله چکیلیر. اونون یاراتدیغی محبت ترانه لری دیللر ازبری اولاراق ئولکلر دولاشیر، اوره کلر فتح ایدیر. شاعرین اوچ دیلده (آذربایجان، فارس و عرب دیللرینده) یازدیغی اثرلر کاشغردن باشلامیش بالکان لارا. قازاندان باشلامیش مصره قدر گئنیش بیر ساخه ده یاییلمیش در.

ایلک دفعه 1244 هجری (1828 میلادی) ایلینده تبریزه چاپ اولونان فضولی دیوانی استانبول دا، بولاقدا، قازاندا، تاشکندده، خیوه ده، باکودا و باشقا شهرلرده دفعه لرله نشر اولونوب، روس، آلمان، فرانسه، انگلیس و ارمنی دیللرینه ده ترجمه ادیلمیشدر.

فضولینین خصوصا آنا دیلینده یازدیقی شعرلرینه قول-قاناد ویروب بو سؤز اینجیلرینی آذربایجان دیلی آنلاشیلان بوتون ئولکه لرده شهرتلندیرن اساس قوه محبتدیر. انسانا، انسان گؤزل لیگینه درین حرمت، خلقه، وطنه، محبت، یاشاماغا و امگه محبت فضولی شعرلرنین اساس قدرتی دیر.

قضولی تخمینا 1498 نجی ایلده عراقین کربلا شهرینده دوغولموش و تحصیلینی بغداد شهرینده تماملامشدیر. علم سیز شعردن قالب بی روح کیمی، نفرت ائدن شاعر هله گنج یاشلاریندان غزل لر یازاراق اوچ دیلده دیوانلار یاراتمش، ایلک دفعه داهی آذربایجان شاعری نطامی گنجوی نین یازیلی ادبیاتا، گتیردیگی “لیلی و مجنون” موضوعونی آنا دیلینده بؤیوک صنعتکارلیقلا قلمه آلمیش…