قره داغ عاشیقلاری (حسین ساعی)

قره داغ عاشیقلاری
حسین ساعی

قاراداغین عاشیق محیطینده ن، سؤز آچیب دانیشاندا آدام مات قالیر کی، نه دانیشسین، نه یازسین، ایله زنگین، عاشیق ادبیاتی وار:
عاشیق صنعتی، اوزون ایللرده ن بری، دیلده ن دیله، نسیلده ن نسیله قدر گلیب ایندیکی عصریمیزده بیزیم الیمیزه چاتیبدیر. عاشیقلرین آدی اولجه بو عونوانلارلا دئییلیبلر: اوزان، وارساق، یانشاق و سونرادا عاشیق دئییبلر. عاشیق آدی ایشیق سؤزوندن گؤتورولوب.
ده ده قورقودان بری بو صنعت، بئله، گلیب بیزه چاتیبدیر. سازلاری، سینه لرینده اولا عاشیقلاریمیزگونو گونده ن قدرتلی، صداقتلی، ایلقارلی، ویجدانلی، ایمانلی، اؤز خلقینه صادیق، اؤز دوغما وطنینه باغلی اولوبلار. سازلاری سینه لرینده گزن عاشیقلاریمیز، هره بیر تهر عاشیق اولوبلار.
بو عاشیق صنعتی حقه باغلی اولانلارین سؤزلرینده جانلانیب بو صنعت ایلاهی بیر صنعت اولماسایدی، بو قدر داوام ائده بیلمزدی و بو بؤیوک خلقین یادداشیندا قالا بیلمزدی…
16اینجی عصریده یاشاین دیریلی قوربانی بیر قوشماسیندا بئله دئییر…

لامکان شهرینده گلدیم جهانه
جانلار اهلی بیر جانانه یئتیشدیم
الده ن-اله، قابدان -قابا سوزولدوم

قطره ایکن بیر عمانه یئتیشدیم

یا بیر یئرده دئییر:

جمعه گونو واردیم کونول شهرینه

گؤردوم او شهرده شاهلار، شاهی وار

360 کوچه سینی سئیر ائتدیم

48 محله بندر گاهی وار

دیرلی عاشیق قوربانین داوامچی سی اولان، توفارقانلی عاشیق عابباس اودا اؤز دورونون چتینلیک لریندن سؤز آچیب بئله یازیر…

پیس اولادی ازل باشدان تانیرام

چؤر -چؤپ ییغار یاد اوجاغین یاندیرار

سحر دورار اؤز خئیرینی دوشونمز

سویو تؤکر اؤز اوجاغین سؤندورر

…