اسکندر نامه

اسکندر نامه

(یئددی جیلد تمام)

اما راویان اخبار بیله روایت ایدوبلر که اسکندر ذوالقرنین حد بلوغه یتشدی کشالپق خیالی باشینا دوشوب اوز اوزینه خیال ایلدی اگر ایران ملکنه فاتح اولام ایله بولم، دورتدن بیر قسمت ال تاپا بیلم بو خیالیله لشگری جمع ایدوب ایرانه طرف رهسپار اولدو. ایرانین سولطانی دارابه گتیردیلر که عنقریبا اسکندرین قوشونی پایتخت ایرانه یتشر، دارابین ایله قوشون شهردن ایشیگه چیخیب اسکندرین اردوسنین برابرینده خیمه برپا ایله دی. نچه گون سونرا جدال صفلری دوزه لیب بیر بیوک جنگ مغلوبه اولدی تا گون غروب ایدنده ایکی قوشون بیربیریندن آیریلیب اوز آرامگاهلارینه قایتدیلار اما دارابین ایکی وزیری وارایدی که اونلارین جانو سیار و ماه یاد لقبلری وارایدی رمل و اسطر لابده اوز زمانلرینده سرامدیدیلر. بیربیرلرینین مشورتیله رمله نظر ایلیوب اسکندری فاتح گوردیلر و دارابی مغلوب، پس هر ایکی سی ال بیر اولوب گیجه وقتی دارابین چادرینه گلوب اونا نچه منکر یارا ویروب اسکندرین اردوسونا گتدیلر و اسکندری اوز ایتدیکلریندن خبردار ایله دیلر اما اسکندرین ئورگی یانوب دیدی ای نمک بحراملار الدوردیز منیم قارداشیمی بو گمانیله که من خوشنود اولاجاغام پس اونلاری گوتوروب آغلیه آغلیه دارابین باشی اوسته گلدی گوردی او جوان قان ایچینده دور. دستمالینن اوزینی تمیزلیوب، دارابین، خیالینه گلدی که او وزیرلر ایسترلر اونی اولدیره لر فریاد ایله دی ای ظالیملر بیر دفعه منیم باشیمی بدنیمدن آیرون و منی خلاص ایلیون، اسکندر گوزلریندن یاشینی توکوب دیدی ای قرداش گوزووی آچ و مندن وداع ایله، داراب گوزون آچوب…