حئيف او سئوگييه

حئيف او سئوگييه

نصرت کسمنلی

يوسف اوغلو نصرت کسمنلي ١٩٤٥ – نجي ميلادي ايلينده آذربايجاندا قازاخ بؤلگه سينده کالينين کندينده دونيايا گؤز آچدی نصرت ايلك و اورتا مكتبي بيتيرديكدن سونرا ١٩٦٦ – نجي ايللرينده آذربايجان دؤلت اونيوئرسيته سينين ژورناليست فاکولته سينه داخل اولوب و بو فاکولته ني ايسه اوغورلا باشا سونرا آذربايجان يازيچيلار بيرليگينه داخل اولوب و اوردا ادبي مصلحت چي اولموشدور و يازديغي اثرلره گوره بو قورقونون کئچيريلن ٧- نجي قورولتاييندا اداره هيأتي نين عضو و شعر شوراسينين صدري سئچيلميشدير.

نصرت کسمنلي چوخدان ايدي کی بويره ك خسته ليگيندن عذاب چكيردي آنجاق دورد آی بوندان اونجه تبريزه گليب و عمله حاضيرليق ايشلرينه باشلادي. تأسفله بو بويوك شاعير ١٣٨٢ نجي ايلده مهرآيينين ٢٤ ونده تبريزين امام خسته خاناسيندا سون منزیله کؤچدو.
شاعيرین کيریل دیلينده چاپ اولونموش سون کيتابی ١٣٨٣ سون آیيندا عرب اليفباسينا چئوریلدی آمما بير پارا مسأله لره گوره کيتابی چاپ ائده بيلمدیک ١٣٨٤ کيتاب شهرام بی گلکار جينابلارین توسط ایله چاپ اولوندو کی یئری وار گلکار جينابلارینا اؤز مينّت دارليغيمی بيلدیرم. یالنيز چاپ اولونموش کيتابدا تأسفله شعرلرین یئدیسين ( ٧) قویمایيب لار چاپ، « ١٠٠١ گئجه » ، « چارميخ » ، « ناتورمورت » ، « ٢٠ ایل سونرا »} : اولسون کی بونلاردیلار بو کيتابين کؤچورمه .{« قایتارین منه » ، « آللاها شيکایت » ، « کسين کيشيلرین باشينی» سينده منی یاردیم ائدن سئویملی امکداشيم ستار بی محمود اوغلو جينابلارینا مينت دارليغيمی بيلدیریب و اوزون عؤمور دیله یيرم .

بير مئح ایدی ، اسيب گئتدی .
سؤزلو- سؤزلو سوسوب گئتدی
بلکه ائله کوسوب گئتدی ،
بيرده گئری قایيدارمی ؟
اؤزو بویدا اوره ک ایدی ،
آج کؤنلومه چؤرک ایدی ،
گؤیدن گلميش ملک ایدی
بيرده گئری قایيدارمی ؟
او باخيش نه باخيشيدی ؟
باخا – باخا قالدیم آللاه !
کيرپيک چالدی ،آتشيندن
ایچين – ایچين یاندیم آللاه ! …