شاه ایسماعیل ختائی اثرلری

شاه ایسماعیل ختائی اثرلری

حوسنی-روخسارین، کیم، اولدو جانو دیل حئیران اونا،
ودیی-دؤوری-قمرنی تاپشیریر دؤوران اونا.
چون سنین حوسنون مثالی-یوسیفی-کنان دیر،
یوزینی هر کیم کی، گؤرمز یوخدورور ایمان اونا.
آتشی-عشقینده، ائی خونخاره گؤزلو دیلبریم،
اؤیله یانمیش دیر بو باغریم یوخدورور درمان اونا.
گول یاناغین، دیلبرا، بس تازتردیر هر زامان،
قان لی یاشیم دان تؤکر هردم گؤزوم باران اونا.
ضولمتی-زولفینده کؤن لو بو ختای خست هنین،
خیزرا بنزر کیم، گؤرونمز چئشمئیی-حیوان اونا.

* * *
گئتدی اول دیلبر، بسی دردو بل قالدی مانا،
نه بل، بیل کیم، یوکوش جؤورو جفا قالدی مانا.
بونجا گلدیم، من گدایه هئچ عنایت قیلمادین،
ائشیگینده قالدیغیم دستی-دعا قالدی مانا.
موژده گلدی دیلستانیم دن کی، قتل اولدو رقیب،
شوکر کیم، بیگانه گئتدی، آشینا قالدی مانا.
آنجا کؤوکب کیمی، یاش تؤکدی، غمین دن گؤزلریم،
یئر ایله، گؤگ ایله کئیوان هم، باخا قالدی مانا.
ائی ختای، زولفی تک آریندی یوزدن زنگبار،
دیلبری-چینو خؤتن، خوبی-ختا قالدی مانا.
جان اولماز ایسه، سن تکی جانان یئتر مانا،
وسلین بو خسته کؤنلومه درمان یئتر مانا.
هیجرین جفاسی ائیله ییخیب دیر بو کؤنلومو،
هر شب قاپوندا نالوو افغان یئتر مانا.
ضولمت ایچینده آبی-حیات ایستمز کؤنول،
للین زول لی چئشمئیی-حیوان یئتر مانا.
زاهید، قوپارما سن منی مئیخانه دن بو گون،
روزی-ازلده یار ایله پئیمان یئتر مانا.
گرچی، ختای، گئتدی علین دن ویسا لی-دوست،

…