معماری

آشیق ماهنیلاری تئللی ساز 1

آشیق ماهنیلاری

تئللی ساز (بخش اول)

عاشیق-ماهنیلاری-دانلود

مین ایللردن بری نسیلدن نسیله سینه دن سینه یه آخیب گلن آزربایجان آشیق ادبیاتی و صنعتی خالقیمیزین روحونو اوخشاییب، اوریینی شنلیک جالاییر. تاریخ بویو اوستاد آشیقلاریمیز هونر و ادبیات ساحه سینده پارلاییب، زنگین شعرلر، اوریه یاتیم ناغیللار و اونودولماز هاوالاری اؤزلریندن یادیگار قویموشلار.
بو آلبومو حاضیرلایاراق ایستر حیات دا اولان صنعتکارلار، ایسترسه حیاتلارینی دییشن آشیقلاریمیزی ایفالریله شعلرینین بیر نئچه سینی قوللوغونوزا تقدیم ائله یک. اومودوموز وار حاظیرلادیغیمیز بو مجموعه اوریینیزی اله گتیریب روحونوزو اوخشاسین.
یئری وار بو آلبومدا امک داشلیق ائدن قایغی کئش اینسانلار، دئمک بوتون آشیقلاریمیز، ساز، قاوال و بالابان چالان اوستادلاریمیز و آلبومو تهیه ائدیب و تنظیم ائله ین عزیز دوسلاردان، تشککور ائله ییب میننت دارلیغیمی بیلدیرم.

– – – – – – – – – – – – – – – – – – – – – – – – – – – – – – –

آشیقلار گؤزللیکلر نغمه کاریدیلار اونلار اؤز شعرلرینده یارادانلا یارانمیشلارین خصوصیله انسانلارلا طبیعتین گؤزللیکلرینی عکس ائتدیرمیشلر. آشیقلارین چوخونون باخیمیندان داغلار اوجالیق و گؤزللیغین گؤرکمیدیرلر. بلکده ده ائله بونا گؤره دیرکی آشیقلار یازیب یارادیقلاری شعرلرین چوخوندا، داغلاری وصف ائدیب، زنگین شعرلر قوشموشلار.
آشیق محبوبون داغلار ردیفلی گؤزل بیر شعرینی دوبیتی هاواسیله اؤز ایفاسیندا تقدیم ائدیریک.
آشیق محبوب قاراداغ ماحالیندا دوغولموشدور. بو بؤیوک اوستادین دونیانین چوخلو اؤلکه لرینده ایجراسی اولموشدور.

آشیق محبوب داغلار ردیفلی گؤزل بیر شعرینی دوبیتی هاواسیله

  دانلود-لینک 1  دانلود-لینک 2  دانلود-لینک 3

– – – – – – – – – – – – – – – – – – – – – – – – – – – – – – –

شاه ایساعیل صفوی دورونده، عؤمور سورو درباریندا پارلایان آشیقلارین لاپ گؤرکملیسی، آشیق قوربانب اولموشدور. او قاراداغ ماحالینین دیریلی کندینده دونیایا گؤز آچمیشدیر.
عاشیق قوربانی، عاشیق شعرلرینین چوخلو فورمالاریندا، زنگین اثرلر یازیب یاراتمیشدیر. اونون قوربانی و پری آدلی گؤزل داستانی واردیر. آشیق قوربانی، شاه ایسماییل صفوی دوورونده باش وئرن چالدیران ساواشیندا، سولطان سلیمین دؤیوشچولرینه توش گلیب، اسیر توشموشدور. بئله لیکله او اون بیر ایل تامام عوثمانلیلارین توپراغیندا دوستاق اولور.
عاشیق قوربانی چوخلو هاوالار او جومله دن: پاشا کؤچدو، حیدری، باش دیوانی و عوثمانلی دیوانیسی کیمی هاوالار یاراتمیشدیر.
آشیق قوربانینین ائشیتملی قوشمالاریندان بیرینی، آشیق علی عیبادی قاراخانلی تام گؤزللیکله شئشنگی هاواسیندا ایفا ائتمیشدیر. آشیق علی عیبادی باجاریقلی آشیقلاریمیزداندیر.

آشیق علی عیبادی قاراخانلی / شئشنگی هاواسی

  دانلود-لینک 1  دانلود-لینک 2  دانلود-لینک 3

– – – – – – – – – – – – – – – – – – – – – – – – – – – – – – –

آشیق میکاییل آزافلی میلادی 1924 جو ایلده آزربایجانین آزافلی آدلی کندینده دوغولموشدور. آشیق میکاییل موسیقی عالمینین گؤرکملی آشیقلارینداندیر. او عاشیق شعرینین چوخلو فورمالاریندادا گؤزل شعرلر قوشوب یاراتمیشدیر. بو بؤیوک صنعتکار میلادی 1990 جی ایلده دونیایا گؤز یومموشدور. عاشیق میکاییل آزافلینین گؤزل بیر قوشماسینی آشیق نوروز چمنی نین ایفاسیله نخجیوانی هاواسیندا ائشیدک.
عاشیق نوروز چمنی قاراداغ ماحالیندا دونیایه گلمیشدیر. آشیق نوروز چمنی نین دونیانین بیر چوخ اؤلکه لرینده ایجراسی اولموشدور.

آشیق نوروز چمنی / نخجیوانی هاواسی

  دانلود-لینک 1  دانلود-لینک 2  دانلود-لینک 3

– – – – – – – – – – – – – – – – – – – – – – – – – – – – – – –

محمد عبادی قاراخانلی آشیق ادبیاتینین گنج شاعیرلریندن دیر کی خالق آراسیندا، آلیشیق آدیلا تانینیبدیر. آلیشیق گونش ایلی 1357 نجی ایلده تبریز شهرینده دوغولوبدور. او 14 یاشنیندان بری شعر یازار. بو گنج شاعیرین شعرلری دؤنه دؤنه آشیقلار طرفیندن اوخونماقدادیر. آلیشیق آشیقلارین اونودولموش شعرلرینی و داستانلارینی توپلاییب چاپا یئتیرمیشدیر. آشیق قوربانی، ساری آشیق و خسته قاسیم آلیشیغین توپلاییب چاپا یئتیردیغی کیتابلارداندیر.
ایندیسه آلیشیغین گؤزل شعرلرینین بیرینی دینله یک. بو شعرین گؤزللیغی آشیق جعفر خاکپورون سازینی دینلندیریب روحلاری اوخشامیشدیر.
آشیق جعفر خاکپور تبریز شهرینده یاشاییر. او 1390 نجی ایلده کئچیریلن آشیق لار یاریشیندا ایشتیراک ائدیب بیرینجی مقامی اله گتیریبدیر.

آشیق جعفر خاکپور

  دانلود-لینک 1  دانلود-لینک 2  دانلود-لینک 3

– – – – – – – – – – – – – – – – – – – – – – – – – – – – – – –

اورتا ساری تئل هاواسی آشیق هاوالارینین ایچینده چوخ سئویلن هاوالارداندیر. زیل ساری تئل، باش ساری تئل و اورتا ساری تئل هاوالارین یارانماسینی آشیق والح ه نیسبت وئریلیر.
ایندیسه اورتا ساری تئل هاواسیندا آشیق بهمن قوربانزاده نین ایفاسیله، آشیق حسین جاوانین داغلار ردیفلی گؤزل بیر گرایلی سینی بیرلیکده دینله ییریک.
آرتیرمالیام آشیق بهمن قوربانزاده گونش ایلی 1350 نجی ایلده قاراداغ ماهالیندا آنادان اولوب 1381 نجی ایلده کئچیریلن آشیقلار یاریشماسیندا بیرینجی مقامی و 1390 نجی ایلده ایکینجی مقاما ال تاپمیشدیر.

آشیق بهمن قوربانزاده / اورتا ساری تئل هاواسی

  دانلود-لینک 1  دانلود-لینک 2  دانلود-لینک 3

– – – – – – – – – – – – – – – – – – – – – – – – – – – – – – –

آشیق حسین ساعی گونش ایلی 1344 نجی ایلده قاراداغدا گؤز آشیمیشدیر. او آشیق داستانلارینی بیر یئره توپلاییب آشیق ادبیاتینا دیرلی خیدمتلر ائتمیشدیر.
آشیق حسین ساعی توپلادیغی داستانلاری چاپا یئتیرمیش و بو زنگین خزینه نی گلجک نسله تؤحفه وئرمیشدیر. آشیق حسین ساعی شعرده یازار، داستاندا قوشار. اونون یازدیغی داستانلارلا شعرلر کیتاب شکلینده یاییلیبدیر. او شاعیر اسم خانی نین گؤزل بیر شعرینی، سولدوزلو هاواسیندا ایفا ائدیبدیر. بیرلیکده دینله یک…

آشیق حسین ساعی / سولدوزلو هاواسی

  دانلود-لینک 1  دانلود-لینک 2  دانلود-لینک 3

– – – – – – – – – – – – – – – – – – – – – – – – – – – – – – –

اصلی کرم داستانی تورک خالقلار آراسیندا، یاییلمیش آدلیم داستانلارداندیر. بو داستان ائلدن ائله گزیب دیللر ازبری اولموشدور. بو داستانین آشیق واریانتی نی اورتا عصیرلرده آشیق کرم یاراتمیشدیر. داستاندا کرمین آدی ماحمود، سئوگیلی سینین آدی ایسه مریم دیر. ایکی عاشیق ایلک دفعه اولاراق گؤروشورلر، آنجتق آرالاریندا اولان رمز و رموز اساسیندا، او گوندن بری، ماحمودون آدی کرم، مریم ین آدی ایسه مریمه چئوریلیر. فلک اونلاری بیر بیریندن آیری سالیر. بئله لیکله کرم عشق سورگونو اولور و اؤلکه لری، بیر به بیر اصلی دالیسینجان گزیر، دولانیر و نهایت اونو آراییب تاپیر.

دؤیمه کرم، کرم شیکسته سی، قوبا کرم، آت اوستو کرم، یانیق کرم و کرم کؤچدو، آشیق کرمین یاراتدیغی هاوالارداندیرلار. ایندیسه کرم کؤچدو هاواسینی، آشیق ابولفضل قلی زاده نین سسیله قوللوغونوزا تقدیم ائدیریک.

آشیق ابولفضل قلی زاده قاراداغین قایا باشی کندینده یاشاییر. او میلادی 1390جی ایلده تبریزده کئچیریلن آشیقلار موسابیقه سینده بیرینجی مقامه ال تاپمیشدیر.

آشیق ابولفضل قلی زاده / کرم کؤچدو هاواسی

  دانلود-لینک 1  دانلود-لینک 2  دانلود-لینک 3

– – – – – – – – – – – – – – – – – – – – – – – – – – – – – – –

آشیق والح قاراباغین آبدال گولابلی کندینده آنادان اولموشدور. اونون آدی کربلایی صفی ایمیش. او تورک، عرب و فارس دیللرینی بیلرمیش. آشیق والح دینی علم لرده ماراخ گؤستررمیش. اونون والح و زرنیگار آدلی گؤزل بیر داستانی واردیر. بو ناغیل هله ده کی وار دیللر ازبریدیر. آشیق والح موسیقی دونیاسینددا پارلامیشدیر. اونون ساری تئل آدلی بسله دیغی گؤزل هاوا، آشیقلارین سازیندا دینله نن ان گؤزل هاوالارداندیر.
ایندیسه آشیق والح ین بستله دییی زیل ساری تئل هاواسیله گؤزل بیر شعرینی بیرلیکده ائشیده جه ییک. ایفاچیسی آشیق جواد محرمی دیر.
آشیق جاواد قاراداغدا دونیایا گلمیشدیر. آشیق جاواد محرمی میلادی 1390 نجی ایلده، تبریزده کئچیریلن آشیقلار یاریشیندا ایشتیراک ائدرک ایکینجی رتبه نی اله گتیریبدیر.

آشیق جواد محرمی / زیل ساری تئل هاواسی

  دانلود-لینک 1  دانلود-لینک 2  دانلود-لینک 3

– – – – – – – – – – – – – – – – – – – – – – – – – – – – – – –

آشیق عابباس توفارقانلی آزربایجان آشیق صنعتینین لاپ گؤرکملی نماینده لریندن بیریدیر. او شاه عباس دورونده یاشاییرمیش. آشیق عابباس توفارقان قصه بسینده آنادان اولموشدور. عابباس و گولگز آدلی گؤزل بیر داستان آشیق عابباسین یاراتدیغی شیرین داستانلارداندیر. بو داستان آشیق ادبیاتینین تایسیز داستانلاریندان بیریدیر. او بو داستاندا اؤز دورونون ایجتماعی وضعیتینی تنقید ائتمیشدیر. آشیق عابباس توفارقانلینین یارادیجیلیغیندا زنگین شعرلرده توش گلمک اولار. بیرلیکده بو گؤزل شعرلرین بیرینی دینله یه ک. بو شعری آشیق محمد خردمند زومایی هاواسیندا ایفا ائتمیشدیر.
آشیق محمد خردمند گومند کندینده دونیایا گؤز آچمیشدیر.

آشیق محمد خردمند / زومایی هاواسی

  دانلود-لینک 1  دانلود-لینک 2  دانلود-لینک 3

– – – – – – – – – – – – – – – – – – – – – – – – – – – – – – –

جعفر احمدی آزربایجان موسیقی سینین گؤرکملی خواننده لرینندی او بیر خواننده کیمی آشیق هاوالارینیندا گؤزل ایفاچیلاریندان ساییلیر. جعفر احمدی دالغا آدیله تانینان موسیقی گوروپونون اؤزل عضولرینندیر. تؤحفه اولاراق جعفر احمدی نین ایفاسیله احمد گؤزلله مه سی هاواسینی قوللوغونوزا تقدیم ائله ییریک.

آشیق جعفر احمدی / احمد گؤزلله مه سی هاواسی

  دانلود-لینک 1  دانلود-لینک 2  دانلود-لینک 3

درباره ی امیر تقی پور

امیر تقی پور، فوق لیسانس زمین شناسی اقتصادی هستم. (مدیر وب سایت) ........ ایمیل من: amirahare@gmail.com - سایت: www.aharri.ir

10 دیدگاه

  1. اگر امکان اولسا آشیق دهقان و آشیق درویش دن چوخلو ما هنیلار گویون

  2. یاشا امیر بئی گوزل پستلارین وار…شعر ده پایلاشیسیز بوردا؟؟؟؟

  3. ساغولاسیز عزیز قارداش

  4. خیلی ممنون منتظر قسمت های بعدی عاشیقلار هستیم
    یاشاسین Rose

  5. با سلام
    از بخش های مختلف عاشیق ماهنیلاری دیدن کردم و کلی هم دانلود کردم ممنون از شما Rose

پاسخ دهید

نشانی ایمیل شما منتشر نخواهد شد.

برای درج شکلک روی آن کلیک کنید

SmileBig SmileGrinLaughFrownBig FrownCryNeutralWinkKissRazzChicCoolAngryReally AngryConfusedQuestionThinkingPainShockYesNoLOLSillyBeautyLashesCuteShyBlushKissedIn LoveDroolGiggleSnickerHeh!SmirkWiltWeepIDKStruggleSide FrownDazedHypnotizedSweatEek!Roll EyesSarcasmDisdainSmugMoney MouthFoot in MouthShut MouthQuietShameBeat UpMeanEvil GrinGrit TeethShoutPissed OffReally PissedMad RazzDrunken RazzSickYawnSleepyFemaleMaleHeartBroken HeartRoseDead RosePeaceYin YangUS FlagMoonStarSunCloudyRainThunderUmbrellaRainbowMusic NoteAirplaneCarIslandAnnouncebrbMailCellPhoneCameraFilmTVClockLampSearchCoinsComputerConsolePresentSoccerCloverPumpkinBombHammerKnifeHandcuffsPillPoopCigarette

قالب وردپرس
Optimization WordPress Plugins & Solutions by W3 EDGE