معماری

عاشیق ماهنیلاری تئللی ساز 2

عاشیق ماهنیلاری تئللی ساز 2

ساز-عاشیق

آشیق حسین جاوان، آشیق ادبیاتینین و صنعتینین پارلاق شخصیتلرینندیر. او میلادی 1916 نجی ایلده قاراداغدا دونیایا گؤز آچیبدیر. سونرا عاییله سیله بیرلیکده گنجه شهرینه گئدیب، بیر مدت اورادا یاشاییر، ایللر سونرا تبریز شهرینه قاییدیر و بیرازدا اورادا قالیر. نهایت گونش ایلی 1324 نجو ایلده یئنی دن گنجه شهرینه قاییدیر و نهایت گونش ایلی 1363 نجو ایلده اورادا حیاتا گؤز یومور. او آذربایجانین گؤزل سسلی آشیقلاریندان بیری اولوبدور.
آشیق حسین جاوانین بیر چوخ شعر کیتابلاری ایشیق اوزو گؤرموشدور. ایندیسه آشیق حسین جاوانین سسیله ایروان چوخورو هاواسینی بیرلیکده دینله یک.

آشیق حسین جاوان / ایروان چوخورو هاواسی

  لینک اول    لینک دوم    لینک سوم

آشیق ادبیاتینین آدلیم آشیقلارینین بیریده آشیق قشم جعفری اولموشدور. آشیق قشم میلادی 1901 نجی ایلده گونئی ماحالیندا دوغولموشدور. اونون هم آتاسی همده آناسی باشاریقلی آشیقلاردانیمیشلر. آشیق قشم بیر چوخ شعرلرده قوشوبدور. اونون اثرلری تهران و تبریز شهرلرینده چاپ اولونوبدور. آشیق قشمین یازدیغی شعرلرینین بیرینی بایرامی هاواسیندا اؤز ایفاسیله سیز عزیزلره تقدیم ائدیریک.

آشیق قشم / بایرامی هاواسی

  لینک اول    لینک دوم    لینک سوم

آزربایجان آشیق ادبیاتیندا حماسی داستانلارین سایی آز دییر. کوراوغلو و شاه ایسماعیل داستانی تکین، حماسی داستانلاردا، داستانین قهرمانینین بیر الینده ساز اولورسا بیر الینده ده قیلینج واردیر. ساواش میدانینا گیرن ایکی دؤیوشجو، اؤنجه سازلا و سؤزله آنلاشماغا چالیشیرلار سونرا سازلا و شؤزله بیربیرلرینی باشا سالا بیلمدیکده، الرینه قیلینج آلیب قارشی قارشیا دورورلار. بو جور دؤیوشمه لره آشیق ادبیاتیندا هربه-زوربا دئییلیر کی دؤیوش ریتمینی داشیان هاوالارلا ایفا اولونور.
ایندیسه کوراوغلو ایله کورداوغلونون بیر هربه-زورباسینی میصیری هاواسیله آشیق عبدالعلی نوری و آشیق رسول قربانی ایفاسیندا دینلیه جه ییک.
آشیق عبدالعلی نوری 1317 نجی گونش ایلینده قاراداغدا دونیایا گؤز آچمیش و 1381 نجی گونش ایلینده تبریز شهرینده دونیایا گؤز یومموشدور.
آشیق رسول قوربانی ده قاراداغلیدیر. او 1313 نجو گونش ایلینده دوغولموشدور. آرتیرمالیام هم آشیق عبدالعلی نوری همده آشیق رسول قوربانی، آشیق خیراله و آشیق عزیز شهنازی کیمی بؤیوک اوستادلاردان سازلا سؤز صنعتینی اؤیرنمیشلر.

آشیق عبدالعلی نوری و آشیق رسول قربانی / کوراوغلو ایله کورداوغلونون بیر هربه-زورباسی

  لینک اول    لینک دوم    لینک سوم

آشیق حاج علی عبادیان 1321 نجی گونش ایلینده قاراداغ ماحالیندا آنادان اولموشدور. اشیقلاریمیزین بیر چوخو اوندان درس آلمیشلار. بو بؤیوک اوستاد ایللردیر کی دونیاسینی دییشمیشدیر.
ایندیسه گؤرکملی شاعیر صمد وورغونون داغلار ردیفلی گرایلیسینی، آشیق حاج علی عیبادی نین ایفاسیله دینله یک. بو گرایلی دوبیتی هاواسیندا اوخونوبدور.

آشیق حاج علی عبادیان / داغلار ردیفلی گرایلی دوبیتی هاواسیندا

  لینک اول    لینک دوم    لینک سوم

آشیق حسن اسکندری 1326 نجی گونش ایلینده قاراداغ ماحالیندا دوغولموشدور. او آشیق حاج علی عبادیان، آشیق عزیز شهنازی، آشیق حاج محمد باقر هابئله آشیق حسین ناموری کیمی بؤیوک اوستادلارین حضوروندان درس آلیب آشیق لیق صنعتینی اؤیرنمیشدیر. آشیق حسن اسکندرینین دونیانین چوخلو اؤلکه لرینده ایجراسی اولموشدور. آشیق حسن اسکندرینین گؤزل شعرلریده واردیر. اونون شعرلریندن بیرینی یونگول شئشنگی هاواسیله اؤز ایفاسیندا سیز عزیزلریمیزه تقدیم ائدیریک.

آشیق حسن اسکندری / یونگول شئشنگی هاواسی

  لینک اول    لینک دوم    لینک سوم

آشیق یداله عیوض پور 1316 نجی گونش ایلینده ایلخیچی شهرینده دونیایا گؤز آچمیشدیر. او اوستاد اسفندجاملی، آشیق علی، آشیق حسین قلی، آشیق حسین ناموری، اشیق محمد باقر هابئله آشیق قولو تورکه دارلی دان آشیق لیق صنعتینی اؤیرنمیشدیر. 55 کاست دن عیبارت اولان شیکاری داستانی، آشیق یداله عیوض پورون دیرلی تؤحفه سیدیر کی اؤز خالقینا ایتحاف ائدیبدیر. آشیق یداله عیوض پورون ایفاسیله سالیان گؤزل لمه سی هاواسینی دینله یک.

آشیق یداله عیوض پور / سالیان گؤزل لمه سی هاواسی

  لینک اول    لینک دوم    لینک سوم

آشیق صنعتینین تانینمیش سیمالارینین بیریده آشیق علسگر گؤیچه لی اولموشدور. میلادی 1821 نجی ایلده گؤیچه ده آنادان اولموشدور. او آدلیم اوستاد آشیق آلی نین شاگیردلرینننیمیش. آشیق علسگردن چوخلو شعرلر و داستانلار یادگار قالیبدیر. اونون یایلاق ردیفلی گؤزل بیر گرایلی سینین، آشیق چنگیز بی ریا اؤدک دونو هاواسیله ایفا ائدیبدیر. آشیق چنگیز بی ریا قاراداغدا دوغولموشدور.

آشیق چنگیز بی ریا / یایلاق ردیفلی گؤزل بیر گرایلی، اؤدک دونو هاواسیله

  لینک اول    لینک دوم    لینک سوم

آشیق عزیز شهنازی گؤرکملی صنعتکارلاریمیزداندیر. او آشیق صنعتینین منیمسیرک یوکسک زیرولره ال تاپمیشدیر. آشیق عزیز شهنازی 1307 نجی گونش ایلینده گنجه شهرینده دوغولموشدور. اونون عاییله سی قاراداغدان گنجه یه گئدیب اورادا ساکین اولموشدور. آشیق عزیز بیر نئچه ایل گنجه شهرینده یاشادیقدان سونرا، گنج یاشلاریندای کن، دوغما آتابابا یوردونا قاییدیر و مشگینده آشیق اسدین محضرینده، آشیق لیق صنعتینی اؤیرنیر. او عؤمرونون بیر حیصه سینده تبریز شهرینده کئچیرمیشدیر.
آشیق عزیز شهنازی نین زنگین قلمی اولوبدور اونون بیر نئچه کیتابی چاپا یئتیشیبدیر. اشیق عزیز 1373 نجو گونش ایلینده دونیاسینی دییشیب ابدیته قووشموشدور. ایندیسه آشیق عزیز شهنازینی خاطیرلایاراق اونون شعرینین بیرینی دینله یک. بو شعری آشیق ابراهیم قاراداغلی، آشیق اینجه لینین یاراتدیغی اینجه گولو هاواسیله ایفا ائدیبدیر.
آشیق ابراهیم قاراداغلی، قاراداغدا دونیایا گؤز آچمیشدیر. ایندیسه اهر شهرینده یاشاییر.

آشیق ابراهیم قاراداغلی / اینجه گولو هاواسی

  لینک اول    لینک دوم    لینک سوم

آزربایجان ادبیاتینین ان گؤرکملی سیماسی خسته قاسیم اولموشدور. خسته قاسیم نادرشاه دؤرونده یاشاییرمیش. خسته قاسیم میلادی 1702 نجی ایلده تیکمه داش کندینده آنادان اولموشدور. او 14 ایل نجف شهرینده قالیب دینی علملری اؤیرندیکدن سونرا اردبیل شهرینه گئدیب شیخ صفی خانگاهیندا عوزلت ایختیار ائتمیشدیر. بو بؤیوک عاریف و عالیم هم قوران مفسری هم قران قاری سی هم ده قورانین حافیظیمیش. او ادب ساحه سینده ده پارلاق اثرلر اؤزوندن یادگار قویموشدور. اونون زنگین شعرلری و ائشیتملی داستانلاری واردیر. چوخلارین اینامینا گؤره خسته قاسیم آشیق ادبیاتینین لاپ بؤیوک اوستادی ساییلیر. او میلادی 1778 نجی ایلده فانی دونیایه گؤز یومموشدور.
خسته قاسیمین بیر اوستاد نامه سینی اوغوز اوغلو هاواسیندا آشیق بؤیوک آغا وجودینین سازی و آوازیله سیز عزیزلره تقدیم ائدیریک. آشیق بؤیوک آغا وجودی تبریز شهرینین هنده ورینده واقع اولان کیوی آدلی کندینده دوغولموشدور. او شعرلرینده پیراوغلو تخلص ائدیر. آشیق بؤیوک آغا وجودی باشاریقلی سازبندلی لردندیر.

آشیق بؤیوک آغا وجودی / خسته قاسیمین بیر اوستاد نامه سینی اوغوز اوغلو هاواسیندا

  لینک اول    لینک دوم    لینک سوم

ایندیسه آشیق عیبادی قاراخانلینین ایفاسیندا بیر چین دیواری هاواسینی سیزلره تقدیم ائدیریک و آلبوموموزو سونا چاتدیریریق.

آشیق عیبادی قاراخانلی / چین دیواری هاواسیندا

  لینک اول    لینک دوم    لینک سوم

منبع: www.aharri.ir

درباره ی امیر تقی پور

امیر تقی پور، فوق لیسانس زمین شناسی اقتصادی هستم. (مدیر وب سایت) ........ ایمیل من: amirahare@gmail.com - سایت: www.aharri.ir

3 دیدگاه

  1. خیال قاراداغلی

    چوخ گوزل سایتیز وار مینتدارام اللریز وار اولسون اگر امکانی اولسا عاشیق جواد محرمی دن چوخ اخوماخ قویاسیز مینتدارام

پاسخ دهید

نشانی ایمیل شما منتشر نخواهد شد.

برای درج شکلک روی آن کلیک کنید

SmileBig SmileGrinLaughFrownBig FrownCryNeutralWinkKissRazzChicCoolAngryReally AngryConfusedQuestionThinkingPainShockYesNoLOLSillyBeautyLashesCuteShyBlushKissedIn LoveDroolGiggleSnickerHeh!SmirkWiltWeepIDKStruggleSide FrownDazedHypnotizedSweatEek!Roll EyesSarcasmDisdainSmugMoney MouthFoot in MouthShut MouthQuietShameBeat UpMeanEvil GrinGrit TeethShoutPissed OffReally PissedMad RazzDrunken RazzSickYawnSleepyFemaleMaleHeartBroken HeartRoseDead RosePeaceYin YangUS FlagMoonStarSunCloudyRainThunderUmbrellaRainbowMusic NoteAirplaneCarIslandAnnouncebrbMailCellPhoneCameraFilmTVClockLampSearchCoinsComputerConsolePresentSoccerCloverPumpkinBombHammerKnifeHandcuffsPillPoopCigarette

قالب وردپرس
Optimization WordPress Plugins & Solutions by W3 EDGE