سارای حسین اقبالیان (دنیز)

سارای

شعر توپلوسو

حسین اقبالیان (دنیز)

گنج نسلیمیز اورک سیزلارینی، یئنی بیر شیوه ده دیله گتیره یئتگی سینی الده ائمکده دیر. بو یئنی شیوه ایله یارانان سؤز بیرلشمه لرینه، اسکی و عادی تعریفلره سیغیشان شعر آدی وئرمک اولماسادا، اونلاردا اولان سس و سؤزلرین موسیقی سی، بو یارادیجی دویغولو اثری، چاغداش ادبی مجموعه لریمیزه «یئنی شعر» آدی ایله داخیل ائدیر. بو یئنی شعرلرده، «دویغو» هر شئیدن اوستون دور. سؤزجوکلرین ریتم، آهنگی و داخیلی قافیه لری، هابئله هر جوره استعاره، بنزتمه، ایهام و بو کیمی بدیعی گؤزللیک لرده، همین دویغودان قیدالانیر.
بو سؤز بیرلشمله رینده، شعریت وئریلن خیال طرحی و ایماژ پلانلاریندا قاباریق شکیلده گؤزه چارپیر:
«چوخداندی ایتیرمیشم سنی!
ایتگین گئتمه:
بیر گون ائله گؤز آچارسان
گؤررسن کی نه ائلین وار
نه ده یوردون
نه ده یووان… »