یارالی دورنا “عاصم اردبیلی”

یارالی دورنا

عاصم اردبیلی

حق درگاهینه بیر کیچیک بنده کیمی بو ایکینجی شعر مجموعه سینین یاییلماغینا الده ائتدیگیم نائلیته خاطر منتدارلیغیمی قید ائدرک جوشان دردلی سؤزلریمی حؤرمتلی اوخوجولارین محضرینه تقدیم ائدیرم.

قانلی سحر کیتابیمدا قید ائتدیگیم کیمین ینه ده محضرینیزه دئملییم:

منده او مادی امکتن اولاییب و اولمایاجاق کی اورک سؤزلریمی کیتاب فورماسیندا اؤز وطن داشلاریما اتحاف ائدم. نیه کی آینادان آیدیندیر کی بیزیم تای توشلاریمیز، اؤز حیاتینین سامان تاپماغینا چالیشاندا من و سائره قلمداشلاریم ادبیات اوجاغیندا آلیش میشیق، قیزیل گوموشه بئل باغلامادان، زر تئللی گونشین اتگیندن آسلانمیشیق. بونولان بئله کی قادر و متعال آللاه حکمتیلن اینسانین اوزونه و قاپونی، باغلاسا رحمتیلن باشقا بیر قاپونی اونون اوزونه آچار منه شاعرین اوزونه ده صداقتلی دوستلار و دردی قانان قارداشلاریمین کرامتلی قاپوسون آچاراق کتاب نشر ائدنده اونلارین منتسیز یاردیملاریندان فایدالانماق ایمکانینی تؤره دیب دیر….

آتش هجره یانان کیمسه بیلر نار نه دیر

غنچه گول آچماسا بیلمز ستم خار نه دیر

اؤزومو درده گیریفتار بیلردیم ولی یوخ

ایندی آز چوخ قانیرام درده گیریفتار نه دیر

مجمر عشقده داغلانماسی عاشیق اوره گی

حشره دک بیلمیر عشق اهلینه معیار نه دیر

…