دیوان ترکی حکیم هیدجی

دیوان ترکی حکیم هیدجی

حکیم هیدجی آذربایجان ادبیاتینین گؤرکملی شاعیری، عالیمی و دیرلی فیلسوفی کیمی کئچن یوز ایلده ادبی، اجتماعی و فلسفی اثرلرین یازماغیلا اؤلکه میزین اجتماعی-سیاسی اولای لاریندا اشتراک ائدرک اوچ دیلده- فارسجا تورکجه و عربجه- مختلف ساحه لرده اؤز قابا قجیل گؤروشلرینی و دوشونجه لرینی آچیقایاراق جامعه نین فعال قوه لرینی ده دوزگون صورتده آچیقلمیشدیر.

بو دیرلی عالیمی، گؤرکملی شاعیری و دوشونجه لی فیلسوفی تانیماق اوچون الیمیزده اولان قایناقلار بونلاردیر:

الف) مدرس تبریزی «ریحانه الادب» اثری نین دؤردونجو جیلدی،

ب) مجتهدی نین «رجال آذربایجان در عصر مشروطیت

ج) عالیمین اؤز اثرلری

د) عالیم حاققیندا یازیلان یوزلرجه چاغداش مقاله لر

حکیم هیدجی نین اثرلری و شعر دیوانی دفعله لرله چاپ اولوب و جامعه میزده یاییلیبدیر. سئویندیریجی حال بودور کی شاعرین حیاتی، دوشونجه لری و اجتماعی دوروشو، هابئله سیاسی گؤروشو و ادبی باخیشی کامیل صورتده عالیمین اثرلرینده اؤزونو گؤسته ریر. بؤیوک عالیم، اثرلرینده چالیشیب اؤلکه نین اولای لارینی، ایسلامی فیلسوف و عالیملرین دوشونجه و رفتارینی آراشدیریب، اوخوجولارینا چاتدیرسین. بونا گؤره بو بیلگینی…