تاپماجالار – چیستان ترکی

یئنی تورکو تاپماجالار

چیستان ترکی

tapmacalar

 

حاجی لار حاجا گئدر

عهد ائدر گئجه گئدر

بیر یومورتا ایچینده

قیرخ اللی جوجه گئدر

جواب ؟

جواب ؟

»» نار ««

 

قوتو قوتو ایچینده

قوتو صاندیق ایچینده

بابامین آغ یایلیغی

اودا اونون ایچینده

جواب ؟

جواب ؟

»» شابالید (شاه بلوط) ««

 

له ین- له ین- له ینده

له ین بوینون اینده

یئمیشلرده نه یئمیش

یئمک اولماز دینده

جواب ؟

جواب ؟

»» خیار ««

 

دیلی یوخدور دیللندیریر، اینسانی علملندیریر

جواب ؟

جواب ؟

»» کیتاب ««

 

بوستاندا وار بیر آروات، پالتار گئییب قات با قات

جواب ؟

جواب ؟

»» کلم ««

 

هالالار های هالالار

بوردان بیر یول سالالار

ایچی قیرمیزی چؤلو یاشیل قالالار

آغیللی لار آغیل ایله تاپاللار

آغیلسیزلار اوندا معطل قالاللار

جواب ؟

جواب ؟

»» قارپیز ««

 

ممدباغبر باغیندا

گول بیتر بوداغیندا

یئل وورار یئللندیرر

سیرغاسی قولاغیندا

جواب ؟

جواب ؟

»» گیلانار ««

 

داغدان گلیر هنیر هونور

ال آیاغی حالقا دمیر

وور باشین، اوتور گمیر

جواب ؟

جواب ؟

»» (قوز – جویز – گیردکان) ««

 

ساری ساری صاندیق لار

ایچی دولو فیندیقلار

جواب ؟

جواب ؟

»» بال قاباغ ««

 

هاممینی بزر اؤزو لوت گزر

جواب ؟

جواب ؟

»» ایینه ««

 

اغاج باشین اوبدولار

کنده کوخا قویدولار

جواب ؟

جواب ؟

»» چاناق ««

 

گلن لئیله ک، گلن لئیله ک

بیر قیچ اوسته دوران لئیله ک

جواب ؟

جواب ؟

»» قاپی ««

 

 

باشینا کلم باغلایار

اوریی ورم باغلایار

اوغول-اوشاغی ییغیب

دسمال آلیب آغلایار

جواب ؟

جواب ؟

»» سماور ««

 

 

تاپ تاپماجا

کول تاپماجا

ممه لی خاتین

دیشلری یوخ

جواب ؟

جواب ؟

»» تویوق ««

 

گئدیر گئدیر آباغی یوخ

آدام اؤلدورور، الی یوخ

کؤینه یی وار تیکیشی یوخ

یومورتا سالار، توکو یوخ

جواب ؟

جواب ؟

»» ایلان ««

 

آلتی داشدی داش دئییل

اوستو داشدی، داش دئییل

بیزده یوخدو، سیزده یوخدو

بوداق وئریر یاپراغی یوخدو

جواب ؟

جواب ؟

»» مارال بوینوزو ««

 

یاتاندا یومورو یاتار

اتین درمان تک ساتار

هر کس ایستسه توتسون

تیکانی الینه باتار

جواب ؟

جواب ؟

»» کیرپی ««

 

اوچان بیر قوش گرکدیر

ایشی تامام کلکدیر

دییرمانا جان وئریر

خرمنه ده گرکدیر

جواب ؟

جواب ؟

»» کولک ««

 

ناردا وار، ناردا وار

ناردان شیرین هاردا وار

ال توتماز پیچاخ کسمز

اوندان شیرین هاردا وار؟

جواب ؟

جواب ؟

»» یوخو ««

 

آنامین بیر دونو وار قاتلاماق اولماز

اوستو دولو آغ اشرفی، ساناماق اولماز

جواب ؟

جواب ؟

»» اولدوز و گؤی ««

 

بیر قوشوم وار جانی یوخ

قانادی وار جانی یوخ

اوچور اوزاق یئرلره

ائله چوخدور سانی یوخ

جواب ؟

جواب ؟

»» طییاره ««

 

داغدا تاپبیلدار

سودا شاپبیلدار

اوبادا فرمان کتده سولیمان

جواب ؟

جواب ؟

»» بالتا – بالیق – ایت – خوروز ««

درباره ی امیر تقی پور

امیر تقی پور، فوق لیسانس زمین شناسی اقتصادی هستم. (مدیر وب سایت) ........ ایمیل من: amirahare@gmail.com - سایت: www.aharri.ir

49 دیدگاه

  1. چه باحال، چیستان ترکی ندیده بودم Smile

  2. وقتتون بخير .بسيار عالي بود

  3. ممنون بابت اطلاع رساني.

  4. درود فراوان .بسيار عالي

  5. سلام و تشکر فراوان از اشتراک گذاریتون
    وب سایت خیلی خوبی دارید
    به امید موفقیت های روز افزون.

پاسخ دهید

نشانی ایمیل شما منتشر نخواهد شد.

برای درج شکلک روی آن کلیک کنید

SmileBig SmileGrinLaughFrownBig FrownCryNeutralWinkKissRazzChicCoolAngryReally AngryConfusedQuestionThinkingPainShockYesNoLOLSillyBeautyLashesCuteShyBlushKissedIn LoveDroolGiggleSnickerHeh!SmirkWiltWeepIDKStruggleSide FrownDazedHypnotizedSweatEek!Roll EyesSarcasmDisdainSmugMoney MouthFoot in MouthShut MouthQuietShameBeat UpMeanEvil GrinGrit TeethShoutPissed OffReally PissedMad RazzDrunken RazzSickYawnSleepyFemaleMaleHeartBroken HeartRoseDead RosePeaceYin YangUS FlagMoonStarSunCloudyRainThunderUmbrellaRainbowMusic NoteAirplaneCarIslandAnnouncebrbMailCellPhoneCameraFilmTVClockLampSearchCoinsComputerConsolePresentSoccerCloverPumpkinBombHammerKnifeHandcuffsPillPoopCigarette

Optimization WordPress Plugins & Solutions by W3 EDGE